கமலின் 237-வது படத்தில் நடிக்கும் பிரபல மலையாள நடிகை
கமலின் 237-வது படத்தை அன்பறிவ் சகோதரர்கள் இயக்க உள்ளனர்.;
கமல்ஹாசன் மற்றும் சிம்பு நடிப்பில் 'தக் லைப்' திரைப்படம் வெளியாகி மக்களிடையே கலவையான விமர்சனத்தை பெற்றது.
கமல்ஹாசனின் 237-வது திரைப்படத்தை பிரபல சண்டை பயிற்சியாளர்களான அன்பறிவ் (அன்புமணி, அறிவுமணி) சகோதரர்கள் இயக்க உள்ளனர். இவர்கள் லியோ, தசரா, ஆர்.டி.எக்ஸ், சலார், அயலான் போன்ற பல வெற்றி திரைப்படங்களில் வரும் சண்டை காட்சிகளை இயக்கியவர்களாவர்.
இந்த படம் குறித்த அதிகாரப்பூர்வ அறிவிப்பை ராஜ் கமல் பிலிம்ஸ் சமீபத்தில் வெளியிட்டது. இப்படம், டீ ஏஜிங் தொழில்நுட்பத்தில் பெரிய பொருள்செலவில் உருவாக இருப்பதாகவும் தகவல்கள் தெரிவிக்கின்றன.
இந்நிலையில் படத்தின் நாயகியாக கல்யாணி பிரியதர்ஷன் நடிக்க இருப்பதாக தகவல் வெளியாகியுள்ளது. இப்படத்தை ராஜ் கமல் பிலிம்ஸ் இண்டர்நேஷனல் நிறுவனம் தயாரிக்கிறது. படத்தின் இசையை ஜி.வி பிரகாஷ் குமார் மேற்கொள்கிறார். படப்பிடிப்பு பணிகள் விரைவில் தொடங்க இருக்கிறது.