பெரியார், அண்ணா குறித்த காணொளி: டிடிவி தினகரன் கருத்து என்ன?

சென்னை,

மதுரையில் நடைபெற்ற முருகன் மாநாட்டில் பெரியார், அண்ணா குறித்து வீடியோ வெளியானது சர்ச்சையான நிலையில், இதற்கு அதிமுக கண்டனம் தெரிவித்து இருந்தது. இந்த நிலையில் சேலத்தில் அம்மா மக்கள் முன்னேற்றக் கழக பொதுச்செயலாளர் டி.டி.வி.தினகரன் செய்தியாளர்களுக்கு பேட்டி அளித்தார். அப்போது அவர் கூறியதாவது;

"இந்து முன்னணி மாநாட்டில் பெரியார், அண்ணா குறித்த வீடியோ தவிர்க்கப்பட்டிருக்க வேண்டும். இந்து முன்னணியின் செயலை அம்மா மக்கள் முன்னேற்றக்கழகம் கண்டிக்கிறது.எங்களின் வழிகாட்டியாக உள்ள பெரியாரையும், அண்ணாவையும் இழிவு செய்வதை ஏற்க முடியாது. முருக பக்தர்கள் மாநாடு என்று அழைத்துவிட்டு விரும்பத்தகாத காட்சிகளை ஒளிபரப்பி இருக்கக்கூடாது."

இவ்வாறு அவர் கூறினார்.