இந்தியா-இங்கிலாந்து உறவை கிரிக்கெட்டுடன் ஒப்பிட்ட பிரதமர் மோடி

லண்டன்,

இங்கிலாந்து சென்ற பிரதமர் மோடி அந்த நாட்டு பிரதமர் கெயிர் ஸ்டார்மரை சந்தித்து பேசினார். பின்னர் அவருடன் கூட்டாக செய்தியாளர்களை சந்தித்தார். அப்போது இரு நாட்டு உறவை கிரிக்கெட்டுடன் ஒப்பிட்டார்.இது குறித்து அவர், 'நம் இரு நாடுகளுக்கும் கிரிக்கெட் என்பது வெறும் ஒரு விளையாட்டு அல்ல, மாறாக அது ஒரு உணர்வும் கூட.

மேலும் நமது உறவுகளுக்கு அது மிகப்பெரிய உருவகமுமாக உள்ளது. சில நேரங்களில் ஒரு 'ஸ்விங்' மற்றும் ஒரு 'மிஸ்' இருக்கலாம், ஆனால் நாங்கள் எப்போதும் நேராக (ஸ்ட்ரெயிட் பேட்) விளையாடுகிறோம்! அதிக ரன்கள், உறுதியான கூட்டணியை உருவாக்க நாங்கள் உறுதிபூண்டுள்ளோம்' என தெரிவித்தார்.

பிரதமர் மோடியின் இந்த ஒப்பீடு செய்தியாளர் சந்திப்பில் நெகிழ்ச்சியை ஏற்படுத்தியது.முன்னதாக பங்கிங்காம் தெரு கிரிக்கெட் கிளப் வீரர்களுடன் மோடி மற்றும் ஸ்டார்மர் இருவரும் கலந்துரையாடினர். பிரதமர் மோடி இங்கிலாந்து பயணம் மேற்கொண்டிருக்கும் இந்த நேரத்தில் இந்திய கிரிக்கெட் அணியும், இங்கிலாந்து அணியுடன் டெஸ்ட் போட்டியில் விளையாடி வருவது குறிப்பிடத்தக்கது.