ஹாங்காங் ஓபன் பேட்மிண்டன்: சாத்விக்-சிராக் ஜோடி இறுதிப்போட்டிக்கு முன்னேற்றம்

ஹாங்காங்,

ஹாங்காங் ஓபன் சர்வதேச பேட்மிண்டன் போட்டி அங்குள்ள ஹூங் ஹோம்பேயில் நடந்து வருகிறது. இதில் நேற்று நடந்த ஆண்கள் இரட்டையர் பிரிவின் அரையிறுதி ஆட்டம் ஒன்றில் இந்தியாவின் சாத்விக் சாய்ராஜ் ரங்கிரெட்டி-சிராக்‌ ஷெட்டி இணை, சீன தைபேயின் பிங் வெய் லின்-சென் செங் குயான் ஜோடியுடன் மோதியது.

இதில் சிறப்பான ஆட்டத்தை வெளிப்படுத்திய இந்திய ஜோடி 21-17 மற்றும் 21-15 என்ற நேர்செட்டில் வெற்றி பெற்று இறுதிப்போட்டிக்கு முன்னேறி உள்ளது.

இறுதிப்போட்டியில் இந்திய ஜோடி, சீனாவின் லியாங் வெய் கெங்-வாங் சாங் இணையை சந்திக்கிறது.