மாவட்ட செய்திகள்

நடத்தையில் சந்தேகம்: மனைவியின் கழுத்தை அறுத்த தொழிலாளி தானும் வி‌ஷம் குடித்து தற்கொலை + "||" + Suspicion in behavior: The worker who killed his wife's neck is also suicidal

நடத்தையில் சந்தேகம்: மனைவியின் கழுத்தை அறுத்த தொழிலாளி தானும் வி‌ஷம் குடித்து தற்கொலை

நடத்தையில் சந்தேகம்: மனைவியின் கழுத்தை அறுத்த தொழிலாளி தானும் வி‌ஷம் குடித்து தற்கொலை
கடலூர் முதுநகரில் நடத்தையில் சந்தேகப்பட்டு மனைவியின் கழுத்தை அறுத்த தொழிலாளி, தானும் வி‌ஷம் குடித்து தற்கொலை முயற்சியில் ஈடுபட்டதால் பரபரப்பு ஏற்பட்டது.

கடலூர் முதுநகர்,

கடலூர் முதுநகர் சுத்துக்குளம் பெரியார்நகரை சேர்ந்தவர் பெரியசாமி மகன் வேல்முருகன் (வயது 36). கூலி தொழிலாளி. இவருடைய மனைவி மாலதி (32). இவர்களுக்கு திருமணமாகி 15 ஆண்டுகள் ஆகிறது. ஒரு மகன், ஒரு மகள் உள்ளனர்.

இந்த நிலையில் வேல்முருகன் வேலைக்கு செல்லாமல் மது குடித்து விட்டு அடிக்கடி மனைவியிடம் தகராறு செய்து வந்ததாக கூறப்படுகிறது. மேலும் மனைவியின் நடத்தையிலும் சந்தேகப்பட்டதாக தெரிகிறது. இதனால் கணவன், மனைவிக்கும் அடிக்கடி பிரச்சினை ஏற்பட்டு வந்தது. இது தொடர்பாக மாலதி மகளிர் போலீசில் புகார் அளித்துள்ளார். இதையடுத்து 2 பேரும் பிரிந்து வாழ்ந்து வருகின்றனர்.

இந்தநிலையில் நேற்று மாலதி வீட்டில் இருந்த போது, அங்கு கத்தியுடன் வந்த வேல்முருகன் அவரின் நடத்தையில் சந்தேகப்பட்டு தகராறு செய்தார். பின்னர் கத்தியை எடுத்து மாலதி கழுத்தை அறுத்து விட்டார்.

பின்னர் போலீசில் சிக்கிக்கொள்வோம் என்று நினைத்த அவர் மதுவில் வி‌ஷம் கலந்து குடித்து விட்டார். இதை பார்த்த அக்கம், பக்கத்தினர் அவர்கள் 2 பேரையும் மீட்டு சிகிச்சைக்காக கடலூர் அரசு மருத்துவமனையில் சேர்த்தனர். அங்கு அவர்கள் 2 பேருக்கும் தீவிர சிகிச்சை அளிக்கப்பட்டு வருகிறது.

இது பற்றி மாலதி கடலூர் முதுநகர் போலீசில் புகார் செய்தார். அதன்பேரில் மனைவியின் கழுத்தை அறுத்து கொலை செய்ய முயன்றதாக வேல்முருகன் மீது போலீசார் வழக்குப்பதிவு செய்து விசாரணை நடத்தி வருகின்றனர்.

இந்த சம்பவம் அந்த பகுதியில் பெரும் பரபரப்பை ஏற்படுத்தியது.



தொடர்புடைய செய்திகள்

1. தனியார் நிதி நிறுவன ஊழியரை தாக்கி பணம் பறிப்பு: 4 முகமூடி கொள்ளையர்கள் கைது
தனியார் நிதி நிறுவன ஊழியரை தாக்கி கொள்ளையடித்த பரபரப்பு சம்பவம் கண்காணிப்பு கேமராவில் சினிமா காட்சி போல் பதிவாகி இருந்தன. இதுதொடர்பாக முகமூடி கொள்ளையர்கள் 4 பேரை போலீசார் கைது செய்தனர்.
2. பெண்கள் அனுமதியை எதிர்த்து பெண் தற்கொலை முயற்சி
சபரிமலை அய்யப்பன் கோவில் நடை இன்று திறக்கப்படுகிறது. அங்கு பெண்களை அனுமதிக்கும் உத்தரவை எதிர்த்து ஒரு பெண் தற்கொலைக்கு முயன்றார்.
3. பயணிகளை மிரட்டி கீழே இறக்கிவிட்டு ஓடும் பஸ்சில் கல்லூரி மாணவருக்கு சரமாரி அரிவாள் வெட்டு
காளையார்கோவில் அருகே ஓடும் பஸ்சை மறித்து நிறுத்தி பயணிகளை கீழே இறக்கி விட்டு, கல்லூரி மாணவர் ஒருவரை சரமாரியாக வெட்டிய மர்ம கும்பலை போலீசார் தேடி வருகின்றனர்.
4. சாவில் மர்மம்: தொழிலாளியின் உடலை வாங்க மறுத்து 2–வது நாளாக போராட்டம்
தொழிலாளியின் சாவில் மர்மம் இருப்பதாக கூறி அவரது உடலை வாங்க மறுத்து உறவினர்கள் ஈரோடு அரசு ஆஸ்பத்திரியில் நேற்று 2–வது நாளாக போராட்டத்தில் ஈடுபட்டதால் பரபரப்பு ஏற்பட்டது.
5. வாகன சோதனையில் சிக்கிய போதை வாலிபர் செல்போன் கோபுரத்தில் ஏறி தற்கொலை மிரட்டல்
காரைக்குடி அருகே போலீசார் வாகன சோதனையின் போது, செல்போன் கோபுரத்தில் ஏறி மிரட்டல் விடுத்த போதை வாலிபரால் பரபரப்பு ஏற்பட்டது.