மாவட்ட செய்திகள்

தட்டுப்பாட்டை போக்கிட கூடுதல் இடங்களில் மணல் எடுக்க அனுமதிக்க வேண்டும் மாட்டு வண்டி தொழிலாளர்கள் கோரிக்கை + "||" + Avoid the scarcity Allow sand to take extra places Cow truck workers request

தட்டுப்பாட்டை போக்கிட கூடுதல் இடங்களில் மணல் எடுக்க அனுமதிக்க வேண்டும் மாட்டு வண்டி தொழிலாளர்கள் கோரிக்கை

தட்டுப்பாட்டை போக்கிட
கூடுதல் இடங்களில் மணல் எடுக்க அனுமதிக்க வேண்டும்
மாட்டு வண்டி தொழிலாளர்கள் கோரிக்கை
தட்டுப்பாட்டை போக்கிட கூடுதல் இடங்களில் மணல் எடுக்க அனுமதிக்க வேண்டும் என மாட்டு வண்டி தொழிலாளர்கள் கோரிக்கை வைத்து உள்ளனர்.

திருச்சி,

திருச்சி மாவட்ட மணல் மாட்டு வண்டி தொழிலாளர்கள் சங்க(சி.ஐ.டி.யு) ஆலோசனை கூட்டம் நேற்று திருச்சியில் நடந்தது. கூட்டத்துக்கு மாவட்ட தலைவர் ஜி.கே.ராமர் தலைமை தாங்கினார். சி.ஐ.டி.யு. மாநகர் மாவட்ட செயலாளர் சம்பத், புறநகர் மாவட்ட செயலாளர் சிவராஜ் ஆகியோர் முன்னிலை வகித்தனர்.

கூட்டத்தில் மணல் மாட்டு வண்டி தொழிலாளர்கள் சங்க மாவட்ட செயலாளர் சேகர், துணைத்தலைவர் மோகன், துணை செயலாளர்கள் அந்தோணி, ரமேஷ் ஆகியோர் பேசினர். கூட்டத்தில் நிறைவேற்றப்பட்ட தீர்மானங்கள் விவரம் வருமாறு:-

* திருச்சி காவிரி, கொள்ளிடத்தில் 5 இடங்களில் மாட்டு வண்டியில் மணல் எடுக்க அனுமதி வழங்கி 1,500-க்கும் மேற்பட்ட தொழிலாளர்களின் வாழ்வாதாரத்தை பாதுகாக்க வேண்டும். சீராகவும், சரியாகவும் இயற்கையான முறையில் மாட்டு வண்டிகளில் மணல் எடுக்கவும், காவிரி, கொள்ளிடம் ஆறு பாதுகாக்கப்படவும் மாட்டு வண்டியை முறைப்படுத்திட வேண்டும்.


* திருச்சி மாநகர் மற்றும் சுற்றியுள்ள பகுதிகளில் நடைபெறும் சிறிய அளவிலான ஏழை, எளிய மக்களின் வீடுகள் மராமத்து மற்றும் விவசாய தேவைகளை ஊக்கப்படுத்திட மாட்டு வண்டிகளில் மணல் எடுக்க தொழிலாளர்களை அங்கீகரித்து உரிய அனுமதி வழங்கிட வேண்டும்.

* கட்டிடப்பணிகளுக்கு பாதிப்பு ஏற்படுத்தும் மணல் தட்டுப்பாட்டை போக்கிட கூடுதலான இடங்களில் மாட்டு வண்டியில் மணல் எடுக்க அனுமதிப்பதுடன், கடலூர் மாவட்டத்தில் உள்ளதுபோல உரிய அடையாள அட்டை வழங்கிட வேண்டும். மேற்கண்ட தீர்மானங்கள் நிறைவேற்றப்பட்டன.


தொடர்புடைய செய்திகள்

1. திருவாரூர் கலெக்டர் அலுவலகத்தில் காலிக்குடங்களுடன் பெண்கள் தர்ணா குடிநீர் வழங்க கோரிக்கை
குடிநீர் வழங்கக்கோரி திருவாரூர் மாவட்ட கலெக்டர் அலுவலகத்தில் பெண்கள் காலிக்குடங்களுடன் தர்ணா போராட்டத்தில் ஈடுபட்டனர்.
2. மாவட்டம் முழுவதும் ஒரேமாதிரியான ஊதியம் வழங்க வேண்டும் கலெக்டர் அலுவலகத்தில் களப்பணியாளர்கள் மனு
மாவட்டம் முழுவதும் ஒரேமாதிரியான ஊதியம் வழங்க வேண்டும் என்று மஸ்தூர் களப்பணியாளர்கள் கிருஷ்ணகிரி மாவட்ட கலெக்டர் அலுவலகத்தில் மனு கொடுத்தனர்.
3. நிறுத்தி வைக்கப்பட்டுள்ள பட்டுக்கோட்டை-காரைக்குடி ரெயில் போக்குவரத்தை மீண்டும் தொடங்க வேண்டும்
நிறுத்தி வைக்கப்பட்டுள்ள பட்டுக்கோட்டை-காரைக்குடி ரெயில் போக்குவரத்தை மீண்டும் தொடங்க வேண்டும் என்று மத்திய ரெயில்வே மந்திரிக்கு காங்கிரஸ் கட்சி கோரிக்கை விடுத்துள்ளது.
4. பழுதடைந்த மேல்நிலை நீர்த்தேக்க தொட்டியை சீரமைக்க வேண்டும் கிராம மக்கள் கோரிக்கை
மகாதேவப்பட்டினத்தில் பழுதடைந்த மேல்நிலை நீர்த்தேக்க தொட்டியை சீரமைக்க வேண்டும் என கிராம மக்கள் கோரிக்கை விடுத்துள்ளனர்.
5. அரசு மருத்துவமனைகளில் கோரிக்கை அட்டை அணிந்து பணியாற்றிய டாக்டர்கள்
அரசு ஆரம்ப சுகாதார நிலையம், துணை சுகாதார நிலையம் உள்ளிட்டவற்றில் பணிபுரியும் டாக்டர்கள் 250-க்கும் மேற்பட்டோர் கோரிக்கை அட்டையை சட்டையில் அணிந்தபடி நேற்று பணியாற்றினர்.