மாவட்ட செய்திகள்

குண்டர் சட்டத்தில் வாலிபர் சிறையில் அடைப்பு + "||" + In thug act The imprisonment in the jail

குண்டர் சட்டத்தில் வாலிபர் சிறையில் அடைப்பு

குண்டர் சட்டத்தில் வாலிபர் சிறையில் அடைப்பு
கொலை வழக்கில் முக்கிய குற்றவாளியான அரிபாபுவை குண்டர் சட்டத்தின் கீழ் கலெக்டர் சிறையில் அடைக்க உத்தரவிட்டார்.
திருவள்ளூர்,

திருவள்ளூர் மாவட்டம் பள்ளிப்பட்டு அருகே உள்ள ராகவநாயுடுகுப்பம் ஆர்.பி.கண்டிகையை சேர்ந்தவர் ராமன். இவரது மகன் கருணாமூர்த்தி (வயது 30). இவர் கடந்த 2 ஆண்டுகளுக்கு முன்பு பள்ளிப்பட்டு அடுத்த வெள்ளாத்தூரை சேர்ந்த அரிபாபு என்கிற சூர்யா(31) என்பவருக்கு ரூ.4 லட்சத்தை கடனாக கொடுத்துள்ளார். அந்த பணத்தை பெற்றுகொண்ட அரிபாபு தான் கூறியதுபோல் குறிப்பிட்ட நேரத்தில் கருணாமூர்த்திக்கு பணத்தை திருப்பி தரவில்லை. இதைத்தொடர்ந்து கருணாமூர்த்தி பலமுறை அரிபாபுவை நாடி தன்னுடைய பணத்தை தருமாறு கேட்டுள்ளார். ஆனால் அவர் பணத்தை தராமல் காலம் தாழ்த்தி வந்தார். இந்த நிலையில் கடந்த 3-11-2018 அன்று கருணாமூர்த்தி அரிபாபுவிடம் இனிமேலும் காலதாமதம் செய்யாமல் தன்னுடைய பணத்தை தருமாறு கேட்டார்.


அப்போது அவரிடம் பேச்சு கொடுத்தபடி அழைத்து சென்ற அரிபாபு தன்னுடைய நண்பர்கள் 10 பேருடன் சேர்ந்து கருணாமூர்த்தியை கொலை செய்து உடலை ஆந்திர மாநிலத்தில் புதைத்தார். போலீசார் வழக்குப்பதிவு செய்து அரிபாபு மற்றும் அவரது நண்பர்கள் 10 பேரை கைது செய்து சிறையில் அடைத்தனர். இந்த கொலை வழக்கில் முக்கிய குற்றவாளியான அரிபாபுவை குண்டர் சட்டத்தின் கீழ் சிறையில் அடைக்க வேண்டும் என்று கலெக்டர் மகேஸ்வரி ரவிகுமாருக்கு போலீஸ் சூப்பிரண்டு பொன்னி பரிந்துரை செய்தார். இதை ஏற்றுக்கொண்ட கலெக்டர் அரிபாபுவை குண்டர் சட்டத்தின் கீழ் சிறையில் அடைக்க உத்தரவிட்டார். இதற்கான ஆணை சென்னை புழல் சிறை அதிகாரிகளிடம் வழங்கப்பட்டது.

தொடர்புடைய செய்திகள்

1. நெய்யூர் பகுதியில் சாலையில் கத்தியுடன் நடமாடிய வாலிபர்
நெய்யூர் பகுதியில் சாலையில் கத்தியுடன் நடமாடிய வாலிபர் சமூக வலைத்தளங்களில் பரவும் காட்சியால் பரபரப்பு.
2. மத்தூர் அருகே வாலிபர் குத்திக்கொலை - அக்காள் கணவர் கைது
மத்தூர் அருகே வாலிபரை குத்திக்கொலை செய்த அக்காள் கணவர் கைது செய்யப்பட்டார்.
3. உளுந்தூர்பேட்டை அரசு மருத்துவமனைக்குள் புகுந்த வாலிபருக்கு தர்மஅடி - குழந்தை கடத்த வந்ததாக நினைத்து பொதுமக்கள் ஆத்திரம்
உளுந்தூர்பேட்டை அரசு மருத்துவமனைக்குள் புகுந்த வாலிபருக்கு பொதுமக்கள் தர்மஅடி கொடுத்தனர்.
4. இளம்பெண்ணை தற்கொலைக்கு தூண்டிய வழக்கில் வாலிபருக்கு 10 ஆண்டு சிறைதண்டனை - சேலம் கோர்ட்டு தீர்ப்பு
இளம்பெண்ணை தற்கொலைக்கு தூண்டிய வழக்கில் வாலிபருக்கு 10 சிறைதண்டனை விதித்து சேலம் கோர்ட்டு தீர்ப்பளித்தது.
5. பண்ருட்டியில் வழிப்பறி: வாலிபர் மீது குண்டர் சட்டம் பாய்ந்தது
பண்ருட்டியில் வழிப்பறியில் ஈடுபட்ட வாலிபர் மீது குண்டர் சட்டம் பாய்ந்தது.