மாவட்ட செய்திகள்

அடப்பன்வயலில் தொழிலாளி வெட்டிக்கொலை மர்மநபர்களுக்கு போலீசார் வலைவீச்சு + "||" + A police crackdown on worker deaths in Adappan Vayal

அடப்பன்வயலில் தொழிலாளி வெட்டிக்கொலை மர்மநபர்களுக்கு போலீசார் வலைவீச்சு

அடப்பன்வயலில் தொழிலாளி வெட்டிக்கொலை மர்மநபர்களுக்கு போலீசார் வலைவீச்சு
புதுக்கோட்டை அடப்பன்வயலில் தொழிலாளியை வெட்டிக்கொலை செய்த மர்மநபர்களை போலீசார் வலைவீசி தேடி வருகின்றனர்.
புதுக்கோட்டை,

புதுக்கோட்டை அடப்பன்வயல் 3-ம் வீதியை சேர்ந்தவர் ராஜரெத்தினம். இவரது மகன் வினோத் சக்கரவர்த்தி (வயது 35). தொழிலாளியான இவர், நேற்று இரவு தனது வீட்டின் முன்பு நின்று கொண்டிருந்தார். அப்போது அங்கு வந்த மர்மநபர்கள் சிலர் அரிவாளால் வினோத் சக்கரவர்த்தியை பயங்கரமாக வெட்டி விட்டு தப்பி சென்றனர். இதில் படுகாயமடைந்த வினோத்சக்கரவர்த்தி சம்பவ இடத்திலேயே பரிதாபமாக இறந்தார்.


இதைக்கண்டு அதிர்ச்சி அடைந்த அக்கம், பக்கத்தினர் இதுகுறித்து புதுக்கோட்டை திருக்கோகர்ணம் போலீசாருக்கு தகவல் தெரிவித்தனர். தகவலின் பேரில், சம்பவ இடத்துக்கு சென்ற போலீசார் வினோத்சக்கரவர்த்தியின் உடலை கைப்பற்றி பிரேத பரிசோதனைக்காக புதுக்கோட்டை அரசு மருத்துவக்கல்லூரி மருத்துவமனைக்கு அனுப்பி வைத்தனர்.

மர்மநபர்களுக்கு போலீசார் வலைவீச்சு

மேலும் இந்த சம்பவம் குறித்து வழக்குப்பதிவு செய்து, வினோத்சக்கரவர்த்தியை அரிவாளால் வெட்டி கொலை செய்து விட்டு தப்பி ஓடிய மர்மநபர்களை போலீசார் வலைவீசி தேடி வருகின்றனர். வெட்டி கொலை செய்யப்பட்ட வினோத்சக்கரவர்த்தி, மக்கள் நல்வாழ்வுத்துறை அமைச்சர் விஜயபாஸ்கரின் தனி உதவியாளர் அன்பானந்தத்தின் உறவினர் என்பது குறிப்பிடத்தக்கது. புதுக்கோட்டை அடப்பன்வயலில் வாலிபர் வெட்டி கொலை செய்யப்பட்ட சம்பவத்தால் நேற்று இரவு அப்பகுதியில் பெரும் பரபரப்பு ஏற்பட்டது.


தொடர்புடைய செய்திகள்

1. குற்றாலத்தில் வாலிபரிடம் கத்தியை காட்டி மிரட்டி ரூ.45 லட்சம் கொள்ளை 5 பேரை பிடித்து போலீசார் விசாரணை
குற்றாலத்தில் வாலிபரிடம் கத்தியை காட்டி மிரட்டி ரூ.45 லட்சத்தை கொள்ளையடித்து சென்றது தொடர்பாக 5 பேரை போலீசார் பிடித்து விசாரணை நடத்தி வருகிறார்கள்.
2. நெல்லை, தூத்துக்குடியில் இலங்கை ரவுடிகள் பதுங்கலா? அகதிகள் முகாமில் உளவுப்பிரிவு போலீசார் அதிரடி விசாரணை
நெல்லை, தூத்துக்குடி மாவட்டங்களில் உள்ள அகதிகள் முகாமில் இலங்கை ரவுடிகள் பதுங்கி இருக்கிறார்களா? என்று உளவுப்பிரிவு போலீசார் அதிரடி விசாரணை நடத்தினார்கள்.
3. தலை, மூக்கு பகுதியில் காயங்கள் இருந்ததால் தகனம் செய்ய முயன்ற மூதாட்டி உடலை கைப்பற்றிய போலீசார் விசாரணை
தலை, மூக்கு பகுதியில் காயங்களுடன் சுடுகாட்டில் தகனம் செய்ய முயன்ற மூதாட்டியின் உடலை கைப்பற்றிய போலீசார், மகன், பேரன்கள் மற்றும் சான்றிதழ் வழங்கிய டாக்டர் ஆகியோரிடம் விசாரித்து வருகின்றனர்.
4. போலீசாருக்கு மிரட்டல் கடிதம் பெங்களூரு கோர்ட்டில் கிடந்த மர்ம பொருளால் வெடிகுண்டு பீதி மர்ம நபர்களுக்கு போலீஸ் வலைவீச்சு
பெங்களூரு சிட்டி சிவில் கோர்ட்டில் கிடந்த மர்ம பொருளால் வெடிகுண்டு பீதி ஏற்பட்டது. மேலும் 2 வழக்குகளில் இருந்து பின்வாங்க கோரி மத்திய குற்றப்பிரிவு போலீசாருக்கு வந்த மிரட்டல் கடிதம் பெரும் பரபரப்பை ஏற்படுத்தியுள்ளது. இதில் தொடர்புடைய மர்ம நபர்களை போலீசார் வலைவீசி தேடிவருகிறார்கள்.
5. புரட்டாசி விரதம் முடிவடைந்தது: மார்க்கெட், இறைச்சி கடைகளில் அலைமோதிய கூட்டம் போலீசார் எச்சரிக்கை விடுத்தனர்
புரட்டாசி விரதம் முடிவடைந்த நிலையில் நேற்று மார்க்கெட் மற்றும் இறைச்சி கடைகளில் மக்கள் கூட்டம் அலைமோதியது.