கள்ளக்குறிச்சி மாவட்டத்தில் மேலும் 3 பேருக்கு கொரோனா

கள்ளக்குறிச்சி,

நேற்று 259 பேரின் கொரோனா பரிசோதனை முடிவுகள் வெளியிடப்பட்டது. இதில் மராட்டியம், சென்னையில் இருந்து வந்த தலா ஒருவர் மற்றும் கொரோனா பாதித்தவருடன் தொடர்பில் இருந்த ஒருவர் என கள்ளக்குறிச்சி மாவட்டத்துக்கு வந்த 3 பேருக்கு கொரோனா தொற்று இருப்பது உறுதி செய்யப்பட்டது. இதையடுத்து அவர்கள் அனைவரும் சிகிச்சைக்காக மருத்துவமனைகளில் அனுமதிக்கப்பட்டுள்ளனர்.

இதன் மூலம் கள்ளக்குறிச்சி மாவட்டத்தில் கொரோனா வைரசால் பாதிக்கப்பட்டவர்களின் மொத்த எண்ணிக்கை 292-ல் இருந்து 295 ஆக உயர்ந்துள்ளது.

இதில் 235 பேர் குணமடைந்து வீடு திரும்பியுள்ளனர். ஒருவர் சிகிச்சை பலனின்றி இறந்துள்ளார்.