<
ஊரடங்கை மீறியதாக 640 பேர் கைது
திருவாரூர் மாவட்டத்தில் ஊரடங்கினை மீறி வெளியில் சுற்றித்திரிந்த 640 பேர் கைது செய்யப்பட்டுள்ளனர் என்று போலீஸ் சூப்பிரண்டு கயல்விழி கூறினார்.
திருவாரூர்:
திருவாரூர் மாவட்டத்தில் ஊரடங்கினை மீறி வெளியில் சுற்றித்திரிந்த 640 பேர் கைது செய்யப்பட்டுள்ளனர் என்று போலீஸ் சூப்பிரண்டு கயல்விழி கூறினார்.
சோதனை சாவடிகள்
தமிழகத்தில் கொரோனா தொற்று வேகமாக பரவி வருகிறது. இந்த தொற்று பரவலை தடுக்க அரசு ஊரடங்கு உத்தரவினை அமல்படுத்தியுள்ளது. திருவாரூர் மாவட்ட போலீஸ் சூப்பிரண்டு கயல்விழி உத்தரவின் பேரில் கொரோனா பரவலை தடுக்கும் வகையிலும், பொதுமக்களின் தேவையில்லாத நடமாட்டத்தை குறைக்கும் வகையிலும் ஊரடங்கை மீறியவர்கள் மீது வழக்குப்பதிவும், வாகனங்கள் பறிமுதலும் செய்யப்பட்டுள்ளது.
இதுகுறித்து மாவட்ட போலீஸ் சூப்பிரண்டு கயல்விழி கூறியதாவது:-
மாவட்டம் முழுவதும் 59 இடங்களில் நிரந்தர மற்றும் தற்காலிக சோதனை சாவடிகள் அமைக்கப்பட்டு தொடர் வாகன தணிக்கைகள் நடைபெற்று வருகிறது.
40 மோட்டார் சைக்கிள்களில் வாகன ரோந்துகள், 4 நெடுஞ்சாலை ரோந்து வாகனங்கள் இரவு பகலாக கண்காணிப்பு பணியில் ஈடுபட்டு வருகின்றன. 22 இடங்களில் நிலையான ரோந்து அமைக்கப்பட்டுள்ளது.
640 வாகனங்கள் பறிமுதல்
கொரோனா தொற்று தடுப்பு பாதுகாப்பு பணிகளில் போலீசார், ஊர்காவல் படையினர் என 1000 பேர் சுழற்சி முறையில் ஈடுபட்டுள்ளனர். கடந்த 3 நாட்கள் நடத்தப்பட்ட தீவிர வாகன தணிக்கையில் தேவையின்றி வெளியில் சுற்றிய 640 பேர் மீது வழக்குப்பதிவு செய்யப்பட்டு அவர்கள் கைது செய்யப்பட்டுள்ளனர். இது தொடர்பாக 640 வாகனங்கள் பறிமுதல் செய்யப்பட்டுள்ளது. இதில் 584 மோட்டார் சைக்கிள்கள், 31 கார்கள் மற்றும் 25 இதர வாகனங்கள் அடங்கும்.
கடுமையான நடவடிக்கை
மேலும் முக கவசம் அணியாமல் வெளியில் வந்த 8 ஆயிரத்து 765 பேர் மற்றும் சமூக இடைவெளியை கடைப்பிடிக்காத 545 பேர் மீது வழக்குப்பதிவு செய்யப்பட்டு ரூ.20 லட்சத்து 25 ஆயிரம் 500 அபராதம் வசூலிக்கப்பட்டு அரசு கணக்கில் செலுத்தப்பட்டுள்ளது. எனவே ஊரடங்கு காலத்தில் தேவையில்லாமல் வெளியில் சுற்றுவர்கள் மீது கடுமையான நடவடிக்கை எடுக்கப்படும்.
இவ்வாறு அதில் கூறப்பட்டுள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
