மதுவிலக்கு குற்றங்களில் ஈடுபட்ட 141 பேர் கைது

விழுப்புரம், 

விழுப்புரம் மாவட்டத்தில் சட்டவிரோதமாக மதுபாட்டில்கள், சாராயம் கடத்தல், விற்பனையை தடுக்கும் வகையில் மாவட்ட போலீஸ் சூப்பிரண்டு எஸ்.ராதாகிருஷ்ணன் மேற்பார்வையில் அமைக்கப்பட்ட தனிப்படை போலீசார் மாவட்டம் முழுவதும் கடந்த 28-ந் தேதி முதல் 2-ந் தேதி வரை தீவிர மதுவிலக்கு வேட்டையில் ஈடுபட்டனர். இதில் 199 வழக்குகள் பதிவு செய்யப்பட்டு 141 பேரை போலீசார் கைது செய்துள்ளனர். இவர்களிடமிருந்து 5 கார்கள், 14 இருசக்கர வாகனங்கள் ஆகியவை பறிமுதல் செய்யப்பட்டதோடு 7,864 லிட்டர் சாராயம், 6,810 லிட்டர் சாராய ஊரல், 5,074 மதுபாட்டில்கள், 455 கிலோ வெல்லம், 62 லிட்டர் கள் ஆகியவையும் கைப்பற்றப்பட்டுள்ளது. இந்த தகவலை மாவட்ட போலீஸ் சூப்பிரண்டு அலுவலகம் தெரிவித்துள்ளது.