சிறுமிக்கு பாலியல் தொந்தரவு கொடுத்தவர் கைது

அரியலூர் மாவட்டம் செந்துறை அருகே உள்ள நல்லநாயகபுரம் கிராமத்தை சேர்ந்தவர் செல்வராஜ் (வயது 41). இவர் 15 வயது சிறுமிக்கு கடந்த 10 நாட்களுக்கு முன்பு பாலியல் தொந்தரவு கொடுத்ததாக கூறப்படுகிறது. இதுகுறித்து சிறுமியின் பெற்றோர் அரியலூர் அனைத்து மகளிர் போலீஸ் நிலையத்தில் புகார் அளித்தனர். அதன்பேரில் போக்சோ சட்டத்தின் கீழ் செல்வராசு மீது போலீசார் வழக்குப்பதிவு செய்து அவரை கைது செய்தனர்.