<
திருப்பத்தூர் அருகே செங்கல் சூளையில் பதுக்கி கஞ்சா விற்ற வாலிபர் கைது
செங்கல் சூளையில் பதுக்கி கஞ்சா விற்ற வாலிபர் கைது
திருப்பத்தூர்
திருப்பத்தூர் கவுதமபேட்டையைச் சேர்ந்தவர் முனுசாமியின் மகன் இளங்கோவன் (வயது 30). இவர் திருப்பத்தூர் அருகே செவ்வாத்தூர் கிராமத்தில் செங்கல் சூளையை குத்தகைக்கு எடுத்து நடத்தி வருகிறார். இவர், கஞ்சா விற்பனை செய்வதாக போலீஸ் சூப்பிரண்டு பாலகிருஷ்ணனுக்கு ரகசிய தகவல் கிடைத்தது.
அதன்பேரில் மாவட்ட போலீஸ் சூப்பிரண்டுவின் தனிப்படை போலீசாரும், கந்திலி போலீசாரும் இளங்கோவனை ரகசியமாக கண்காணித்து வந்தனர். அவர், கர்நாடக மாநிலம் பங்காருபேட்டை பகுதியில் இருந்து கஞ்சாவை கடத்தி வந்து, செங்கல் சூளையில் பதுக்கி வைத்து விற்றது தெரிய வந்தது.
இதையடுத்து இளங்கோவனை போலீசார் கைது செய்தனர். அவர், செங்கல் சூளையில் பதுக்கி வைத்திருந்த 4½ கிலோ கஞ்சாவை பறிமுதல் செய்தனர். அவர் மீது கந்திலி போலீசார் வழக்குப்பதிவு செய்து மேலும் விசாரித்து வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
