நோய் தாக்கி 12 ஆடுகள் செத்தன

விராலிமலை தாலுகாவிற்குட்பட்ட பகுதிகளில் பெய்த தொடர்மழை காரணமாக நோய் தாக்கி கால்நடைகள் தொடர்ந்து செத்த வண்ணம் உள்ளன. இந்நிலையில் கல்குடி கிராமம் தாளப்பட்டியைச் சேர்ந்த ஆறுமுகம் மகன் சின்னக்கண்ணு என்பவரின் குடும்பத்தினருக்கு சொந்தமான 9 செம்மறி ஆடுகள் செத்தன. இதேபோல அறந்தாங்கி அருகே அமரசிம்மேந்திரபுரத்தில் மழையின் காரணமாக நோய்வாய்ப்பட்டு சிதம்பரம் என்பவருக்கு சொந்தமான 2 செம்மறி ஆடுகளும், பழனியம்மாளுக்கு சொந்தமான வெள்ளாடு ஒன்றும் செத்தன.