தினத்தந்தி புகார் பெட்டி

 கான்கிரீட் பாலம் வேண்டும்

திருவாரூர் மாவட்டம் கூத்தாநல்லூர் பகுதியில் கண்கொடுத்தவனிதம் மேட்டுத்தெருவையும், ஆளத்தான்குடியையும் இணைக்கும் வகையில் பாண்டவையாறு ஆற்றில் மரத்தால் பாலம் அமைக்கப்பட்டுள்ளது. இந்த பாலத்தை தினமும் நூற்றுக்கணக்கான மாணவ-மாணவிகள், பயன்படுத்தி வருகின்றனர். மேலும், இந்த பாலத்தின் வழியாக பூதமங்கலம், அத்திக்கடை, கொரடாச்சேரி உள்ளிட்ட பகுதிகளுக்கு வேலைக்கு செல்பவர்களும் சென்று வருகின்றனர். இந்த நிலையில் பாலத்தில் உள்ள மரக்கம்புகள் சேதமடைந்து உள்ளது. இதனால் பொதுமக்கள், பள்ளி மாணவ-மாணவிகள் மரப்பாலத்தில் அச்சத்துடன் சென்று வருகின்றனர். எனவே, அசம்பாவிதம் எதுவும் ஏற்படும் முன்பு மேற்கண்ட பகுதியில் மரப்பாலத்தை அகற்றிவிட்டு கான்கிரீட் பாலம் அமைத்து தர சம்பந்தப்பட்ட அதிகாரிகள் நடவடிக்கை எடுப்பார்களா?       -அப்துல்லா, கூத்தாநல்லூர்.