<
ரூ 2¼ கோடிக்கு காய்கறிகள் விற்பனை
உடுமலை உழவர்சந்தையில் கடந்த மாதம் ரூ.2 கோடியே 27 லட்சத்திற்கு காய்கறிகள் விற்பனையானது.
உடுமலை
உடுமலை உழவர்சந்தையில் கடந்த மாதம் ரூ.2 கோடியே 27 லட்சத்திற்கு காய்கறிகள் விற்பனையானது.
ரூ.2¼ கோடிக்கு விற்பனை
உடுமலை கபூர்கான் வீதியில் உள்ள உழவர் சந்தைக்கு உடுமலை மற்றும் மடத்துக்குளம் தாலுகாக்களில் உள்ள விவசாயிகள் தங்களது விளை நிலங்களில் விளையும் காய்கறிகளை அதிகாலையிலேயே கொண்டு வந்து விற்பனை செய்து வருகின்றனர்.
அதன்படி உடுமலை உழவர் சந்தையில் கடந்த மாதம் (டிசம்பர்) 2,098 விவசாயிகள் மொத்தம் 5 லட்சத்து 65 ஆயிரத்து 150 கிலோ காய்கறிகளை விற்பனைக்கு கொண்டு வந்திருந்தனர். இந்த காய்கறிகள் மொத்தம் ரூ.2 கோடியே 27 லட்சத்து 7 ஆயிரத்து 605-க்கு விற்பனை ஆனது. இந்த காய்கறிகளை பொதுமக்கள் 63ஆயிரத்து564 பேர் வாங்கி பயனடைந்தனர்.
வரத்து குறைந்தது
கடந்த நவம்பர் மாதத்துடன் டிசம்பர் மாதத்தை ஒப்பிடும்போது உடுமலை உழவர் சந்தைக்கு காய்கறிகளை விற்பனைக்கு கொண்டு வந்த விவசாயிகள் எண்ணிக்கை 289 பேர் அதிகரித்திருந்த நிலையிலும், காய்கறிகள் வரத்து 61 ஆயிரத்து 155 கிலோ குறைவாக இருந்தது. ஆனால் காய்கறிகளின் விலை அதிகமாக இருந்ததால் மொத்த விற்பனை தொகைரூ.18 லட்சத்து 50 ஆயிரத்து 335 கூடுதலாக இருந்தது.
அதேசமயம காய்கறிகளை வாங்க வந்த பொதுமக்களின் எண்ணிக்கை 6,026 பேர் குறைந்திருந்தனர். காய்கறிகள் வரத்து குறைந்ததற்கு காரணம் மழை மற்றும் காய்கறிகள் விளைச்சல் குறைந்ததாகும் என்று கூறப்படுகிறது.
காய்கறிகள் விலை
உடுமலை உழவர் சந்தையில் நேற்று ஒரு கிலோ கத்தரிக்காய் ரூ.40 முதல் ரூ.60 வரைக்கும், வெண்டைக்காய் ரூ.60 முதல் ரூ.70 வரைக்கும், தக்காளி (நாட்டு ரகம்) ரூ.45 முதல் ரூ.60 வரைக்கும், அவரைக்காய் ரூ.45 முதல் ரூ.50 வரைக்கும், புடலங்காய் ரூ.24 முதல் ரூ.26 வரைக்கும், பீர்க்கங்காய் ரூ.50 முதல் ரூ.65 வரைக்கும், சுரைக்காய் ரூ.26 முதல் ரூ.30 வரைக்கும், பாகற்காய் ரூ.45 முதல் ரூ.55வரைக்கும், கொத்தவரை ரூ.50 முதல் ரூ.55 பூசணிக்காய் ரூ.20-க்கும், அரசாணிக்காய் ரூ.20-க்கும், பச்சை மிளகாய் ரூ.70 முதல் ரூ.90 வரைக்கும்,
சின்னவெங்காயம் ரூ.50 முதல் ரூ.70 வரைக்கும், பெரிய வெங்காயம் ரூ.40 முதல் ரூ.46 வரைக்கும், பொறியல் தட்டை ரூ.25 முதல் ரூ.30 வரைக்கும், பச்சை மொச்சை ரூ.65-க்கும், சேனைக்கிழங்கு ரூ.32-க்கும், கருணைக்கிழங்கு ரூ.52-க்கும் உருளைக்கிழங்கு ரூ.44 முதல் ரூ.46 வரைக்கும், காரட் ரூ.75 முதல் ரூ.90 வரைக்கும், பீட்ரூட் ரூ.70 முதல் ரூ.90 வரைக்கும், முட்டைக்கோஸ் ரூ.75 முதல் ரூ.80 வரைக்கும், காளிபிளவர் ரூ.30 முதல் ரூ.35 வரைக்கும், பட்டாணி ரூ.75-க்கும், முள்ளங்கி ரூ.40 முதல் ரூ.48 வரைக்கும், இஞ்சி ரூ.40-க்கும் விற்கப்பட்டது. புஷ்பீன்ஸ் ரூ.45 முதல் ரூ.50 வரைக்கும், மேரக்காய் ரூ.35-க்கும், வாழைக்காய் ரூ.28 முதல் ரூ.35 வரைக்கும், எலுமிச்சம்பழம் ரூ.35 முதல் ரூ.55 வரைக்கும், சப்போட்டா பழம் ரூ.30-க்கும், கொய்யாப்பழம் ரூ.60-க்கும் விற்பனை செய்யப்பட்டது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire