அந்தியூர் சந்தையில் கொங்கு காளைமாடு ஜோடி ரூ.1½ லட்சத்துக்கு விற்பனை

அந்தியூர்

அந்தியூர் சந்தையில் கொங்கு காளைமாடு ஜோடி ரூ.1½ லட்சத்துக்கு விற்பனை ஆனது.

அந்தியூர் கால்நடைச் சந்தை நேற்று நடைபெற்றது. இதற்கு பர்கூர், கொளத்தூர், பண்ணவாடி, எடப்பாடி, மேச்சேரி, கொங்கணாபுரம் மற்றும் கர்நாடக மாநிலம் ராமாபுரம் உள்பட பல்வேறு பகுதிகளில் இருந்து ஏராளமான கால்நடைகள் விற்பனைக்காக கொண்டு வரப்பட்டன.

இதில் கொங்கு காளை மாடு ஜோடி குறைந்தபட்ச விலையாக ரூ.75 ஆயிரத்துக்கும், அதிகபட்ச விலையாக ரூ.1 லட்சத்து 50 ஆயிரத்துக்கும், நாட்டு பசுமாடு ஒன்று குறைந்தபட்சம் ரூ.30 ஆயிரத்திற்கும், அதிகபட்ச விலையாக ரூ.60 ஆயிரத்திற்கும், எருமை மாடு ஒன்று குறைந்தபட்ச விலையாக ரூ.30 ஆயிரத்திற்கும், அதிகபட்ச விலையாக ரூ.70 ஆயிரத்திற்கும், ஜெர்சி பசு மாடு ஒன்று குறைந்தபட்சம் ரூ.15 ஆயிரத்திற்கும், அதிகபட்சம் ரூ.35 ஆயிரத்திற்கும் விலை போனது.

சிந்து பசுமாடு ஒன்று குறைந்தபட்சம் ரூ.20 ஆயிரத்திற்கும், அதிகபட்சம் ரூ.40 ஆயிரத்திற்கும், பர்கூர் இன செம்மை நிற பசு மாடு ஜோடி குறைந்தபட்சம் ரூ.25 ஆயிரத்திற்கும், அதிகபட்சம் ரூ.50 ஆயிரத்திற்கும், கன்றுக்குட்டி ஒன்று குறைந்தபட்ச விலையாக ரூ.5 ஆயிரத்திற்கும், அதிகபட்ச விலையாக ரூ.15 ஆயிரத்திற்கும் விற்பனை செய்யப்பட்டன.

ஈரோடு, கோபி, பவானி, கவுந்தப்பாடி, சத்தியமங்கலம், கள்ளிப்பட்டி, மேட்டூர், கோவை மற்றும் கேரளா மாநிலத்தில் இருந்து வந்த வியாபாரிகள் கால்நடைகளை விலை பேசி பிடித்து சென்றனர்.