<
ஏப்ரல் 10-ந்தேதி நீரினை பயன்படுத்துவோர் சங்க தேர்தல்
நீர்வள நிலவள மேம்பாட்டு திட்டத்தின் கீழ் நீரினை பயன்படுத்துவோர் சங்க தேர்தல் ஏப்ரல் 10-ந்தேதி நடைபெறுகிறது என்று ராமநாதபுரம் கலெக்டர் சங்கர்லால் குமாவத் தெரிவித்து உள்ளார்.
ராமநாதபுரம்,
நீர்வள நிலவள மேம்பாட்டு திட்டத்தின் கீழ் நீரினை பயன்படுத்துவோர் சங்க தேர்தல் ஏப்ரல் 10-ந்தேதி நடைபெறுகிறது என்று ராமநாதபுரம் கலெக்டர் சங்கர்லால் குமாவத் தெரிவித்து உள்ளார்.
தேர்தல்
ராமநாதபுரம் மாவட்டம் திருவாடானை, ஆர்.எஸ்.மங்கலம், பரமக்குடி மற்றும் கீழக்கரை வட்டங்களில் நீர்வள, நிலவள திட்டத்தின் கீழ் நீர்வளத்துறையினரால் அமைக்கப்பட்ட நீரினை பயன்படுத்துவோர் சங்கங்களின் தலைவர் மற்றும் ஆட்சி மண்டல தொகுதி உறுப்பினர்களுக்கான தேர்தல் வரும் ஏப்ரல் 10-ந்தேதி நடைபெற உள்ளது.
நீரினை பயன்படுத்துவோர் சங்க பதவிகளுக்கு போட்டியிட விரும்பும் வேட்பாளர்களிடம் இருந்து 28.3.22 முதல் 31.3.22 வரை காலை 9 மணியில் இருந்து மாலை 4 மணி வரை சம்பந்தப்பட்ட தேர்தல் நடத்தும் அலுவலரால் வேட்பு மனுக்கள் பெறப்படும். பெறப்பட்ட வேட்புமனுக்கள் 1.4.22 அன்று காலை 9 மணி முதல் பிற்பகல் 2 மணி வரை ஆய்வு செய்து, ஏற்கத்தக்க வேட்பு மனுக்கள் சம்பந்தப்பட்ட தேர்தல் அலுவலரால் வெளியிடப்படும்.
போட்டியில் இருந்து விலகி கொள்ள விரும்பும் வேட்பா ளர்கள் தங்களது வேட்புமனுக்களை 1.4.22 பிற்பகல் 2 மணி முதல் மாலை 4 மணி வரை திரும்ப பெற்றுக்கொள்ளலாம். போட்டியிடும் வேட்பாளர்களின் இறுதிப்பட்டியலை சம்பந்தப்பட்ட தேர்தல் நடத்தும் அலுவலர் 1.4.22 மாலை 5 மணிக்கு மேல் அறிவிப்பார்.
சான்றிதழ்
நீரினை பயன்படுத்துவோர் சங்கங்களின் தலைவர் மற்றும் ஆட்சி மண்டல தொகுதி உறுப்பினர்களுக்கான தேர்தல் வாக்குப்பதிவு 10.4.22-ந் தேதி காலை 7 மணி முதல் பிற்பகல் 2 மணி வரை நடைபெறும். பதிவு செய்யப்பட்ட வாக்குகள் 10.4.22 அன்று மாலை 4 மணி முதல் எண்ணத் தொடங்கி முடிவுகள் சம்பந்தப்பட்ட தேர்தல் நடத்தும் அலுவலரால் அறிவிக்கப்பட்டு சான்றிதழ் வழங்கப்படும்.
திருவாடானை வட்ட வேட்புமனுக்களை ராமநாதபுரம் சமூக நல பாதுகாப்புத்திட்ட தனித்துணை கலெக்டர் திருவாடானை தாலுகா அலுவலகத்தில் பெறுவார்.
ஆர்.எஸ்.மங்கலம் வட்ட வேட்புமனுக்களை தேர்தல் நடத்தும் அலுவலர் ராமநாதபுரம் ஆர்.டி.ஓ. ஆர்.எஸ்.மங்கலம் தாலுகா அலுவலகத்தில் பெற்றுக்கொள்வார்.
வேட்புமனு
பரமக்குடி வட்ட வேட்புமனுக்களை பரமக்குடி ஆர்.டி.ஓ. பரமக்குடி தாலுகா அலுவலகத்தில் பெற்றுக்கொள்வார்.
கீழக்கரை வட்ட வேட்புமனுக்களை ராமநாதபுரம் மாவட்ட வழங்கல் அலுவலர் கீழக்கரை தாலுகா அலுவலகத்தில் பெற்றுக்கொள்வார் என ராமநாதபுரம் கலெக்டர் சங்கர்லால் குமாவத் தெரிவித்துள்ளார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
