ஆந்திராவில் கடந்த 24 மணி நேரத்தில் 8,147 பேருக்கு கொரோனா தொற்று- 49 பேர் பலி

அமராவதி,

ஆந்திராவில் கொரோனா தொற்று கடந்த சில வாரங்களாக மின்னல் வேகத்தில் பரவி வருகிறது. கடந்த 24 மணி நேரத்தில் மட்டும் ஆந்திராவில் 8,147-பேருக்கு கொரோனா தொற்று உறுதி செய்யப்பட்டுள்ளது. 49-பேர் ஒரே நாளில் கொரோனாவுக்கு பலியாகியுள்ளனர்.  

ஆந்திராவில் இதுவரை கொரோனா தொற்று உறுதி செய்யப்பட்டவர்கள் எண்ணிக்கை 80,858-ஆக உயர்ந்துள்ளது. 39,935 பேர் கொரோனா தொற்றில் இருந்து குணமடைந்து வீடு திரும்பியுள்ளனர். ஆந்திராவில் கொரோனா தொற்றால்  இதுவரை உயிரிழந்தவர்கள் எண்ணிக்கை  933 ஆக உள்ளது.

ஆனந்தபூர், கிழக்கு கோதாவரி மற்றும் குண்டூர் ஆகிய மூன்று மாவட்டங்களிலும்  கொரோனா பாதிப்பு அதிகமாக காணப்படுகிறது.