ஜெயலலிதாவை அம்மா என கூறும் அம்ருதா சோபன்பாபுவை தந்தை என உரிமை கோராதது ஏன்? நீதிபதி கேள்வி

சென்னை

மறைந்த முன்னாள் முதல் அமைச்சர் ஜெயலலிதாவின் வாரிசு  எனவும் தனக்கு டிஎன்ஏ பரிசோதனை செய்யக்கோரியும் பெங்களூருவை சேர்ந்த அம்ருதா என்ற பெண் சுப்ரீம் கோர்ட்டில்   மனு தாக்கல் செய்துள்ளார். 

 பெங்களூருவை சேர்ந்த அம்ருதா என்ற பெண் 1980ஆம் ஆண்டு ஆகஸ்ட் மாதம் 14 ஆம் தேதி, மறைந்த ஜெயலலிதாவின் மகளாகப் பிறந்ததாகவும் ஜெயலலிதாவின் அத்தையான ஜெயலட்சுமி என்பவர் பிரசவம் பார்த்தார் எனவும், ஜெயலலிதாவுக்கு அவப்பெயர் ஏற்படும் என்பதால், இந்த உண்மையை வெளிப்படுத்தப்படவில்லை என்றும்  தெரிவித்துள்ளார். மறைந்த முன்னாள் முதல் அமைச்சர் ஜெயலலிதாவின் வாரிசு  எனவும் தனக்கு டிஎன்ஏ பரிசோதனை செய்யக்கோரியும் வைஷ்ணவ ஐயங்கார் பிராமண முறைப்படி ஜெயலலிதாவுக்கு  இறுதிச்சடங்கு செய்யவேண்டும் என்றும் அம்ருதா தனது மனுவில் தெரிவித்து இருந்தார்.

இந்த வழக்கு இன்று விசாரணைக்கு எடுத்து கொண்ட நீதிபதிகள் சென்னை ஐகோர்ட்டை அணுகாமல் நேரடியாக  நீங்கள் சுப்ரீம் கோர்ட்டை நாடியது ஏன் என கேள்வி எழுப்பினர்.

அம்ருதாவுக்காக ஆஜரான வக்கீல் பாதுகாப்பு காரணங்களுக்காக தாங்கள் சுப்ரீம் கோர்ட்டில் தாக்கல் செய்துள்ளதாக கூறினார். இதை தொடர்ந்து   ஐகோர்ட்டை அணுகுமாறு உத்தரவிட்ட நீதிபதிகள் அவரது மனுவை தள்ளுபடி  செய்தனர்.

இந்த நிலையில்  டிஎன்ஏ பரிசோதனை செய்யக்கோரி ஜெயலலிதா மகள் எனக்கூறும் அம்ருதா சென்னை ஐகோர்ட்டில்  மனு தாக்கல் செய்தார். இந்த மனு மீதான விசாரணை   நேற்று நீதிபதி வைத்தியநாதன் முன்பு விசாரணைக்கு வந்தது.

அப்போது நீதிபதி  எந்த ஆதாரமும் இல்லாத நிலையில் டி.என்.ஏ. சோதனை ஏன் நடத்த கூடாது - அரசு வழக்கறிஞருக்கு  கேள்வி எழுப்பினார்.

டிஎன்ஏ சோதனைக்கு அனுமதித்தால் ஆயிரம் பேர் இப்படி வருவார்கள் . உண்மையான வாரிசு என்று ஆதாரம் நிரூபிக்கப்பட்டால் டி.என்.ஏ சோதனைக்கு அனுமதிக்கலாம் என்றும், விளம்பரத்திற்காக இந்த வழக்கு தாக்கல் செய்யப்பட்டுள்ளதாக அரசுத்தரப்பு வழக்கறிஞர் வாதிட்டார். 

இது தங்களது சொந்த விவகாரம் என்றும், விளம்பரம் தேட முயற்சிக்கவில்லை என்றும் மனுதாரர் தரப்பில் வாதிடப்பட்டது. இதற்கிடையே நீதிபதி வைத்தியநாதன், “ ஜெயலலிதா உடலை டி.என்.ஏ சோதனை செய்ய ஏன் உத்தரவிட கூடாது?” என்று கேள்வி எழுப்பினார்.

ஜெயலலிதா உயிருடன் இருக்கும் போது வாரிசு உரிமை கோராமல் தற்போது இறந்த பின்னர் கோருவது ஏன்? என்றும், தற்போது எதன் அடிப்படையில் டி.என்.ஏ சோதனைக்கு உத்தரவிட முடியும் என்று மனுதாரரை நோக்கி நீதிபதி கேள்வி கேட்டார். 

ஜெயலலிதா உயிருடன் இருக்கும்போது உரிமை கோராமல் இறந்த பிறகு உரிமை கோருவது ஏன்? டிஎன்ஏ பரிசோதனை கேட்காதபோது நாங்கள் எப்படி உத்தரவிட முடியும்? பெங்களூரு சேர்ந்தவர்கள் சென்னை வந்ததை கூறாமல் மனு தாக்கல் செய்துள்ளார். இதன் அடிப்படையில் மனுவை தள்ளுபடி செய்ய நேரிடும். அம்ருதா தாக்கல் செய்த ஆவணங்களில் கையெழுத்து உள்ளிட்ட பல குளறுபடி உள்ளது எனக்கூறி வழக்கு விசாரணையை  ஒத்திவைத்தார். 

இந்த வழக்கு  இன்று விசாரணைக்கு வந்தது. விசாரணையின் போது  அம்ருதா தாக்கல் செய்த வழக்கில் தன்னையும் வாதியாக சேர்க்க கோரி ஜோசப் என்பவர் மனுதாக்கல் செய்தார்.

ஜெயலலிதாவை அம்மா என கூறும் அம்ருதா சோபன்பாபுவை தந்தை என உரிமை கோராதது ஏன்? அம்ருதாவுக்கு  ஐகோர்ட் கேள்வி எழுப்பியது. ஆறு கோடி பேர் இந்த கோரிக்கையை வைத்தால் நீதிமன்றத்தை மெரினாவில் நடத்த முடியுமா?என  நீதிபதி கேள்வி எழுப்பினார்.

அப்பலோ மருத்துவமனையில் ரத்த மாதிரிகள் உள்ளனவா? என  நீதிபதி கேள்வி எழுப்பினார்.

அரசின் கருத்தை அறிந்துதான் தெரிவிக்க முடியும் என அரசு தலைமை வழக்கறிஞர் கூறினார்

தான் தனது தாய் என நிரூபிக்க அம்ருதாவுக்கு வாய்ப்பளிக்க வேண்டும் .வழக்கில் அடிப்படை முகாந்திரம் உள்ளது. விளம்பரத்திற்காக இந்த  வழக்கு தொடரப்படவில்லை என அம்ருதா தரப்பில் வாதிடபட்டது.

தீபா மற்றும் தீபக்கை வழக்கில் எதிர்மனுதாரராக சேர்க்க அம்ருதா கூடுதல் மனு தாக்கல் செய்தார்.

டி.என்.ஏ சோதனை முடிவுகள் பெரும் தாக்கத்தை ஏற்படுத்தும், மனு விசாரணைக்கு ஏற்புடையதா என பார்க்க வேண்டும். இறந்தவர்களுக்கும் தனிப்பட்ட அந்தரங்க சுதந்திரம் உள்ளது என அரசு வழக்கறிஞர் வாதிட்டார்

தற்போது தொடர்ந்து விசாரணை நடைபெற்று வருகிறது.