சென்னையில் தேமுதிக பிரமுகரை வெடிகுண்டு வீசி கொலை செய்ய முயற்சி

சென்னை

பரங்கிமலை ஒன்றிய தேமுதிக துணை செயலாளரான ராஜசேகருக்கும், அருளுக்கும் கார் விடுவதில் ஜனவரி மாதம் தகராறு நேரிட்டதாகவும், இதில் தாக்கப்பட்ட அருள் ஆத்திரத்தில் இருந்ததாகவும் கூறப்படுகிறது. இந்நிலையில் ராஜசேகர் மீது அருள் உள்ளிட்ட 7 பேர் நேற்றிரவு தாக்குதல் நடத்திவிட்டு ஓடிவிட்டனர். இதில் பலத்த காயமடைந்த அவர் சிகிச்சைக்கு அனுமதிக்கப்பட்ட நிலையில், இதன் பின்னணியில் திமுக பிரமுகர் மனோநிதி இருப்பதாக கூறி, அவர் வீடு மீது ராஜசேகரின் ஆதரவாளர்கள் 2 பேர் காரில் வந்து வெடிகுண்டு வீசி தாக்குதல் நடத்தினர்.

ராஜேசகர் தாக்கப்பட்ட சம்பவத்தில் அருள் உள்ளிட்ட 4 பேரை கைது செய்த போலீஸ், மனோநிதி வீட்டில் நடந்த தாக்குதல் தொடர்பாக சிசிடிவி காட்சி அடிப்படையில் ராஜேஷ், ஓட்டேரியை சேர்ந்த ரவுடி கார்த்திக்கை தேடி வருகின்றனர்.