முன்னாள் ராணுவ வீரர் வீட்டில் 3½ பவுன் நகை திருட்டு

திருவெறும்பூர் அருகே உள்ள நவல்பட்டு அண்ணா நகரை சேர்ந்தவர் செந்தில்குமார் (வயது 53). முன்னாள் ராணுவ வீரரான இவர் இந்தியன் ஓவர்சீஸ் வங்கியில் காவலாளியாக பணியாற்றி வருகிறார். இவரது மனைவி லதா. இவர்களுக்கு 2 மகள்கள் உள்ளனர். இந்த நிலையில் செந்தில்குமார் கடந்த 24-ந்தேதி குடும்பத்துடன் சென்னையில் உள்ள உறவினர் வீட்டு திருமணத்துக்கு சென்றுவிட்டார். இதைத்தொடர்ந்து 25-ந்தேதி மீண்டும் வீட்டுக்கு வந்தபோது, வீட்டின் பூட்டு உடைக்கப்பட்டு கதவு திறந்து கிடந்தது. இதனால் அதிர்ச்சி அடைந்த அவர் வீட்டுக்குள் சென்று பார்த்தபோது, பீரோவில் இருந்த 3½ பவுன் தங்க நகைகள் திருடப்பட்டு இருந்தது. வீட்டில் ஆட்கள் இல்லாததை நோட்டமிட்டு மர்ம ஆசாமிகள் இந்த துணிகர திருட்டில் ஈடுபட்டுள்ளனர். இது குறித்த புகாரின் பேரில் நவல்பட்டு போலீசார் வழக்குப்பதிவு செய்து விசாரணை நடத்தி வருகின்றனர்.