இளம்பெண்ணுக்கு அரிவாள் வெட்டு

மதுரை ஆனையூர் பகுதியை சேர்ந்தவர் தேன்மொழி (வயது 28). கணவருடன் ஏற்பட்ட கருத்து வேறுபாடு காரணமாக அவரை விட்டு பிரிந்து தாயார் வீட்டில் வசித்து வருகிறார். இந்த நிலையில் அந்த பெண்ணிற்கு ராகுல் என்பவருடன் பழக்கம் ஏற்பட்டது. இந்த நிலையில் நேற்று மாலை தேன்மொழி தனது வீட்டின் அருகே நின்று கொண்டிருந்தார். அப்போது அங்கு வந்த ராகுல் அவருடன் பேசும் போது தகராறு ஏற்பட்டது. அதில் ஆத்திரம் அடைந்த அவர் தான் வைத்திருந்த அரிவாளால் தேன்மொழியை வெட்டி விட்டு தப்பி விட்டார். இந்த சம்பவத்தில் படுகாயம் அடைந்த அவரை அங்கிருந்தவர்கள் மீட்டு சிகிச்சைக்காக மதுரை அரசு ஆஸ்பத்திரிக்கு அனுப்பி வைத்தனர். மேலும் தகவல் அறிந்து கூடல்புதூர் போலீசார் சம்பவ இடத்திற்கு விரைந்து வந்து விசாரணை நடத்தி தப்பி சென்ற ராகுலை தேடி வருகிறார்கள்.