அந்தியூர் கால்நடை சந்தையில்கொங்கு இன காளைமாடு ஜோடி ரூ.2 லட்சத்துக்கு ஏலம்

அந்தியூர்

அந்தியூரில் நேற்று கால்நடை சந்தை கூடியது. இந்த சந்தைக்கு மேட்டூர், கொளத்தூர், பண்ணவாடி, தர்மபுரி, கொங்கணாபுரம், எடப்பாடி, ஈரோடு, பர்கூர், பவானி உள்பட பல்வேறு பகுதிகளில் இருந்து கால்நடைகள் விற்பனைக்காக கொண்டு வரப்பட்டது. இந்த ஏலத்தில் கொங்கு காளை மாடு ஜோடி ரூ.1 லட்சத்து 50 முதல் ரூ.2 லட்சம் வரையும், காங்கேயம் காளை மாடு ஜோடி ரூ.80 ஆயிரம் முதல் ரூ.1 லட்சத்து 50 ஆயிரம் வரையும், நாட்டு பசு மாடு ஒன்று ரூ.20 ஆயிரம் முதல் ரூ.40 ஆயிரம் வரையும் ஏலம் போனது.

இதேபோல் எருமை மாடு ஒன்று ரூ.20 ஆயிரம் முதல் ரூ.70 ஆயிரத்துக்கும், சிந்து பசு மாடு ஒன்று ரூ.25 ஆயிரம் முதல் ரூ.45 ஆயிரத்துக்கும், ஜெர்சி பசு மாடு ஒன்று ரூ.20 ஆயிரம் முதல் ரூ.40 ஆயிரத்துக்கும், பர்கூர் இன பசுமாடு ஒன்று ரூ.15 ஆயிரம் முதல் ரூ.25 ஆயிரத்துக்கும், பர்கூர் இன காளை மாடு ஜோடி ரூ.25 ஆயிரம் முதல் ரூ.40 ஆயிரத்துக்கும், அதன் கன்று குட்டிகள் ஒன்று ரூ.5 ஆயிரம் முதல் ரூ.15 ஆயிரத்துக்கும் விற்பனையானது.

ஈரோடு, சத்தியமங்கலம், பெருந்துறை, கோபி, பவானி உள்பட பல்வேறு பகுதிகளில் இருந்து வந்திருந்த வியாபாரிகள் ஏலத்தில் கலந்து கொண்டு மாடுகளை பிடித்து சென்றனர்.