ரூ.12 லட்சத்து 21 ஆயிரத்துக்கு தேங்காய் பருப்பு ஏலம்

பரமத்திவேலூர்

பரமத்திவேலூர் வெங்கமேட்டில் உள்ள மின்னணு தேசிய வேளாண்மை சந்தையில் வியாழக்கிழமை நடைபெற்ற ஏலத்தில் ரூ.12 லட்சத்து 21 ஆயிரத்திற்கு தேங்காய் பருப்பு ஏலம் போனது. பரமத்திவேலூர் வெங்கமேட்டில் உள்ள மின்னணு தேசிய வேளாண்மை சந்தையில் கடந்த வியாழக்கிழமை நடைபெற்ற ஏலத்திற்கு 8 ஆயிரத்து 768 கிலோ தேங்காய் பருப்பை விவசாயிகள் கொண்டு வந்திருந்தனர். இதில் அதிகபட்சமாக கிலோ ஒன்று ரூ.80.99-க்கும், குறைந்தபட்சமாக ரூ.63.49-க்கும்‌, சராசரியாக ரூ.76.19-க்கும் ஏலம் போனது. மொத்தம் ரூ.6 லட்சத்து 61 ஆயிரத்து 531-க்கு வர்த்தகம் நடைபெற்றது. வியாழக்கிழமை நடைபெற்ற ஏலத்திற்கு ‌16 ஆயிரத்து 912 கிலோ தேங்காய் பருப்பை விவசாயிகள் கொண்டு வந்திருந்தனர். இதில் அதிகபட்சமாக கிலோ ஒன்று ரூ.76.99-க்கும், குறைந்தபட்சமாக ரூ.60.39-க்கும், சராசரியாக ரூ.76.51-க்கும் ஏலம் போனது. மொத்தம் ரூ.12 லட்சத்து 21 ஆயிரத்து 190-க்கு வர்த்தகம் நடைபெற்றது.