கார்த்திகை மாதத்திலும் கோழி இறைச்சி 1 கிலோ ரூ.200-க்கும் மேல் விற்பனை

கார்த்திகை மாதத்தில் அய்யப்பன் கோவிலுக்கு பக்தா்கள் மாலை அணிவது வழக்கம். இந்த மாதத்தில் இறைச்சி விற்பனை மந்தமாக நடைபெறும். இதனால் இறைச்சி விலை குறைந்து காணப்படும். ஆனால் மயிலாடுதுறையில் கார்த்திகை மாதத்திலும் கோழி இறைச்சி ரூ.200 -க்கும் மேல் விற்பனை செய்யப்பட்டது. இதேபோல் முட்டையின் விலையும் உயர்ந்து காணப்பட்டது. கடந்த சில மாதங்களாக ஒரு முட்டை 5 ரூபாய்க்குள் விற்பனை செய்யப்பட்டது. ஆனால் தற்போது ரூ.6 வரை விற்பனை செய்யப்படுகிறது.