மதுரை, தருமபுரம் ஆதீனங்கள் சாமி தரிசனம்

வேதாரண்யம் துரைசாமி கோவிலுக்கு நேற்று தருமபுரம் ஆதீனம், மதுரை ஆதீனம் வந்து சாமி தரிசனம் செய்தனர். முன்னதாக கோவில் சார்பில் 2 ஆதீனங்களுக்கும் பூரண கும்ப மரியாதை அளிக்கப்பட்டது. இதில் யாழ்ப்பாணம் கருணவாய் வரனி ஆதீனம் இளையவர் சபேசன், கோவில் நிர்வாக அலுவலர் அறிவழகன், ஸ்தலத்தார் கயிலைமணி வேதரத்தினம் மற்றும் கோவில் பணியாளர்கள் கலந்துகொண்டு ஆதீனங்களை வரவேற்றனர். பின்னர் அவர்கள் அகஸ்தியர் கோவிலுக்கு சென்று சாமி தரிசனம் செய்தனர். வேதாரண்யம் தெற்கு வீதியில் புதிதாக தருமபுரம் ஆதீனம் கட்டளை மடம் தொடங்கப்பட்டது. இதில் ஓ.எஸ். மணியன் மற்றும் திரளான பக்தர்கள் கலந்து கொண்டனர்.