அமைச்சர் உதயநிதி ஸ்டாலின் விளம்பர பதாகை கிழிப்பு; 2 பேர் கைது

பெரம்பலூர் மாவட்டம், வேப்பந்தட்டை தாலுகா, தழுதாழையில் தி.மு.க. இளைஞரணி செயலாளரும், விளையாட்டு துறை அமைச்சருமான உதயநிதி ஸ்டாலின் நற்பணி மன்றத்தின் விளம்பர பதாகை இருந்தது. அதனை அதே பகுதியை சேர்ந்த பரணிகுமார் (வயது 22), நிஷாந்த் (20) ஆகிய 2 பேரும் சேர்ந்து கிழித்து சேதப்படுத்தியதாக கூறப்படுகிறது. இது தொடர்பாக புகாரின் பேரில் அரும்பாவூர் போலீசார் வழக்குப்பதிவு செய்து பரணிகுமார், நிஷாந்த் ஆகியோரை கைது செய்தனர்.