2 இடங்களில் இன்று ஆர்.எஸ்.எஸ். ஊர்வலம்: பாதுகாப்பு ஏற்பாடுகளை திருச்சி சரக டி.ஐ.ஜி. ஆய்வு

தமிழகத்தில் ஆர்.எஸ்.எஸ். ஊர்வலம் நடத்த அனுமதி கிடைத்தது. மாநிலம் முழுவதும் இன்று (ஞாயிற்றுக்கிழமை) 45 இடங்களில் ஊர்வலம் நடைபெறுவதாக அறிவிக்கப்பட்டுள்ளது. அந்த வகையில் புதுக்கோட்டை மாவட்டத்தில் கந்தர்வகோட்டை, கறம்பக்குடி ஆகிய 2 இடங்களில் ஆர்.எஸ்.எஸ். ஊா்வலம் நடைபெற உள்ளது. இதற்காக போலீசாரிடம் அனுமதி கோரி கடிதம் வழங்கி உள்ளனர். ஊர்வலத்திற்கான கட்டுப்பாடுகளை போலீசார் அறிவித்துள்ளனர். மேலும் ஊர்வலத்தையொட்டி பாதுகாப்பு முன்னேற்பாடுகளை போலீசார் செய்துள்ளனர். இந்த நிலையில் இன்று ஊர்வலம் நடைபெறும் 2 இடங்களையும், பாதுகாப்பு ஏற்பாடுகளையும் திருச்சி சரக டி.ஐ.ஜி. சரவணசுந்தர் நேற்று பார்வையிட்டு ஆய்வு மேற்கொண்டார். அப்போது மாவட்ட போலீஸ் சூப்பிரண்டு வந்திதா பாண்டே உடன் இருந்தார்.