சரள் மண் திருடியவர் கைது

முன்னீர்பள்ளம் போலீஸ் சப்-இன்ஸ்பெக்டர் துரை தலைமையில் போலீசார் ரோந்து பணியில் ஈடுபட்டனர். அப்போது, நெல்லை அருகே உள்ள இட்டேரி பெட்ரோல் பங்க் அருகே பிராஞ்சேரி, மேலத்தெருவை சேர்ந்த சிவசுப்பிரமணியன் (வயது42) என்பவர் சட்டவிரோதமாக டிப்பர் லாரியில் சரள் மண்ணை அள்ளியது தெரியவந்தது. உடனே போலீசார் சிவசுப்பிரமணியனை கைது செய்தனர். அவரிடமிருந்து 1½ யூனிட் சரள் மண்ணையும், டிப்பர் லாரியையும் போலீசார் பறிமுதல் செய்தனர்.