மரத்தில் இருந்து தவறி விழுந்த தொழிலாளி பலி

லால்குடி அருகே கோமாக்குடி கிராமத்தை சேர்ந்தவர் தன்ராஜ் (வயது 50). விவசாய தொழிலாளியான இவர் கோமாக்குடி பகுதியில் உள்ள வேப்ப மரத்தில் ஏறி ஆடுகளுக்கு கிளைகளை வெட்டினார். அப்போது, எதிர்பாராதவிதமாக மரத்தில் இருந்து தவறி கீழே விழுந்தார். இதில் பலத்த காயமடைந்த அவரை மீட்டு திருச்சி அரசு மருத்துவமனையில் சேர்த்தனர். அங்கு தன்ராஜ் நேற்று சிகிச்சை பலன் இன்றி பரிதாபமாக இறந்தார். இது குறித்த புகாரின் பேரில் லால்குடி போலீசார் வழக்குப்பதிவு செய்து விசாரணை நடத்தி வருகின்றனர்.