<
வங்காளதேசத்துக்கு எதிரான டெஸ்ட்: தொடரை கைப்பற்றியது பாகிஸ்தான் அணி
வங்காளதேசத்துக்கு எதிரான டெஸ்ட் போட்டியில் பாகிஸ்தான் அணி.தொடரை கைப்பற்றியது.
டாக்கா,
பாகிஸ்தான்-வங்காளதேச அணிகள் இடையிலான 2-வது மற்றும் கடைசி டெஸ்ட் கிரிக்கெட் போட்டி வங்காளதேச தலைநகர் டாக்காவில் நடந்தது. இதில் பாகிஸ்தான் அணி முதல் இன்னிங்சில் 4 விக்கெட்டுக்கு 300 ரன்கள் குவித்து ‘டிக்ளேர்’ செய்தது.
பின்னர் முதல் இன்னிங்சை தொடங்கிய வங்காளதேச அணி 4-வது நாள் ஆட்டம் முடிவில் 7 விக்கெட்டுக்கு 76 ரன்கள் எடுத்து திணறியது. நேற்று 5-வது மற்றும் கடைசி நாள் ஆட்டம் நடந்தது. தொடர்ந்து ஆடிய வங்காளதேச அணி முதல் இன்னிங்சில் 32 ஓவர்களில் 87 ரன்னில் சுருண்டு ‘பாலோ-ஆன்’ ஆனது.
பாகிஸ்தான் தரப்பில் சுழற்பந்து வீச்சாளர் சஜித் கான் 42 ரன்கள் விட்டுக்கொடுத்து 8 விக்கெட்டுகள் அறுவடை செய்தார். ‘பாலோ-ஆன்’ ஆனதால் தொடர்ந்து 2-வது இன்னிங்சை ஆடிய வங்காளதேச அணி, பாகிஸ்தான் வீரர்களின் சிறப்பான பந்து வீச்சை சமாளிக்க முடியாமல் 84.4 ஓவர்களில் 205 ரன்னில் ‘ஆல்-அவுட்’ ஆனது.
பாகிஸ்தான் அணி 8 ரன்கள் வித்தியாசத்தில் அபார வெற்றி பெற்றது. பாகிஸ்தான் அணி தரப்பில் சஜித் கான் 4 விக்கெட்டும், ஷகீன் ஷா அப்ரிடி, ஹசன் அலி தலா 2 விக்கெட்டும், கேப்டன் பாபர் அசாம் ஒரு விக்கெட்டும் கைப்பற்றினார்கள்.
பாகிஸ்தான் வீரர்கள் சஜித் கான் ஆட்டநாயகன் விருதையும், அபித் அலி தொடர்நாயகன் விருதையும் தட்டிச் சென்றனர். இந்த வெற்றியின் மூலம் பாகிஸ்தான் அணி 2-0 என்ற கணக்கில் டெஸ்ட் தொடரை கைப்பற்றியது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
