திருப்பூரில் தண்டவாள பராமரிப்பு பணி: கோவையில் இருந்து வெளியூர் செல்லும் ரெயில்களின் நேரம் மாற்றம்

கோவை,

திருப்பூர் பகுதியில் ரெயில் தண்டவாள பராமரிப்பு பணி வருகிற 13 மற்றும் 14 ஆகிய தேதிகளில் நடைபெறுகிறது. இதன் காரணமாக கோவை ரெயில் நிலையத்தில் இருந்து வெளியூர்களுக்கு செல்லும் ரெயில்களின் நேரங்கள் மாற்றி அமைக்கப்பட்டு உள்ளன. இது பற்றிய விவரம் வருமாறு:–

இதன்படி வருகிற 13–ந்தேதி கோவையில் இருந்து சென்னை சென்ட்ரல் செல்லும் ரெயில் (எண் 12676) பிற்பகல் 2.55 மணிக்கு பதிலாக 4.35 மணிக்கு புறப்படும். மேலும் சதாப்தி ரெயில் (எண் 12244) கோவையில் இருந்து பிற்பகல் 3.25 மணிக்கு பதிலாக 4.55 மணிக்கு புறப்படும்.

கோவையில் இருந்து எர்ணாகுளம் செல்லும் ரெயில் (எண் 12522) பிற்பகல் 3.33 மணிக்கு பதிலாக 5 மணிக்கு புறப்படுகிறது. மங்களூருவில் இருந்து கோவை வழியாக சென்னைக்கு இயக்கப்படும் ரெயில் (எண் 16860) பிற்பகல் 3.40–க்கு பதிலாக 4.50 மணிக்கு கோவையில் இருந்து புறப்பட்டு செல்கிறது. திருவனந்தபுரத்தில் இருந்து கோவை வழியாக ஐதராபாத் செல்லும் சபரி விரைவு ரெயில் (எண் 17229) அன்றைய தினம் கோவையில் மாலை 4.35 மணிக்கு பதிலாக 5.10 மணிக்கு புறப்படும்.

14–ந் தேதி கோவையில் இருந்து ஆலப்புழாவுக்கு இயக்கப்படும் ரெயில் (எண் 13352) மதியம் 12 மணிக்கு பதிலாக 1 மணிக்கு புறப்படும். கோவை வழியாக எர்ணாகுளத்துக்கு செல்லும் கே.எஸ்.ஆர். பெங்களூரு விரைவு ரெயில் (எண் 12678) மதியம் 12.50 மணிக்கு பதிலாக 1.20 மணிக்கு புறப்படும். கோவையில் இருந்து சென்னை சென்ட்ரல் செல்லும் ரெயில் (எண் 12676) பிற்பகல் 2.55 மணிக்கு பதிலாக 4.05 மணிக்கு புறப்பட்டு செல்லும்.

கோவையில் இருந்து சென்னை சென்ட்ரல் செல்லும் செல்லும் சதாப்தி ரெயில்(12244) பிற்பகல் 3.25 மணிக்கு பதிலாக 4.45 மணிக்கு புறப்படும். 13 மற்றும் 14 ஆகிய தேதிகளில் கோவையில் இருந்து சேலத்துக்கு இயக்கப்படும் ரெயில் ( எண் 66602, 66603) ரத்து செய்யப்படுகிறது.

இந்த தகவலை அதிகாரிகள் தெரிவித்தனர்.