அரியலூர் அரசு கலை கல்லூரியில் நாளை முதல் விண்ணப்பங்கள் வினியோகம்

தாமரைக்குளம்,

அரியலூர் அரசு கலை கல்லூரி முதல்வர் பழனிசாமி ஒரு அறிக்கை வெளியிட்டுள்ளார். அதில் அவர் கூறியிருப்பதாவது:- அரியலூர் அரசு கலை கல்லூரியில் இந்த ஆண்டிற்கான இளங்கலை சுற்றுச்சூழல் அறிவியல், தமிழ், ஆங்கிலம், பொருளாதாரம், கணிதம், வணிகவியல், புள்ளியியல், விலங்கியல், இயற்பியல், வேதியியல், கணினி அறிவியல், தாவரவியல் பாடங்களுக்கு மாணவ- மாணவிகள் சேர்க்கைக்கான விண்ணப்பங்கள் நாளை (செவ்வாய்க்கிழமை) முதல் வினியோகிக்கப்படுகிறது. ரூ.50 செலுத்தி இந்த விண்ணப்பங்களை பெற்று கொள்ளலாம். மேலும் விவரங்களுக்கு கல்லூரி தொலைபேசி 04329222050 என்ற எண்ணில் தொடர்புக் கொள்ளலாம்.

இவ்வாறு அவர் அதில் கூறியுள்ளார்.