கொரோனா தினசரி பாதிப்பு குறைய தொடங்கியது

சிவகங்கை,

சிவகங்கை மாவட்டத்தில் கொரோனா 2-வது அலை பரவல் காரணமாக தினசரி பாதிப்பு 350-ஐ எட்டியது. அதை தொடர்ந்து மாவட்ட நிர்வாகம் எடுத்த அதிரடி நடவடிக்கையால் படிப்படியாக கொரோனா பாதிப்பு குறைய தொடங்கியது.
மாவட்ட நிர்வாகம், சுகாதாரத்துறையினருடன் இணைந்து அரசு அறிவித்தப்படி முதலில் முன்கள பணியாளர்களுக்கும், 60 வயதுக்கு மேற்பட்டோருக்கும் தடுப்பூசி போடுவதை தீவிரப்படுத்தியது. அதன்பின்னர் 45 வயதுக்கு மேற்பட்டோருக்கும், 18 வயதுக்கு மேற்பட்டோருக்கும் கொரோனா தடுப்பூசி போடும் பணி தீவிரப்படுத்தப்பட்டது. இதன் விளைவாக கொரோனா பரவல் படிப்படியாக குறைந்து வருகிறது.
இதற்கிடையே மாவட்டத்தில் அரசு மருத்துவமனை, தனியார் மருத்துவமனை மற்றும் வீட்டு தனிமையில் உள்ளவர்கள் உள்பட 396 பேர் தற்போது சிகிச்சையில் உள்ளனர். நேற்று ஒரே நாளில் 46 பேர் கொரோனா சிகிச்சை முடிந்து வீடு திரும்பினர்.