இன்பினிக்ஸ் ஹாட் 20 பிளே
இன்பினிக்ஸ் நிறுவனம் புதிதாக ஹாட் 20 பிளே என்ற பெயரிலான 5-ஜி ஸ்மார்ட்போனை அறிமுகம் செய்துள்ளது.;
ஹாட் சீரிஸில் இந்நிறுவனம் வெளியிடும் முதலாவது மாடல் இதுவாகும். இது 6.82 அங்குல ஹெச்.டி. பிளஸ் திரையைக் கொண்டுள்ளது. இதில் ஆக்டாகோர் மீடியாடெக் ஹீலியோ ஜி 37 எஸ்.ஓ.சி. பிராசஸர் பயன்படுத்தப் பட்டுள்ளது. 4 ஜி.பி. ரேம், 64 ஜி.பி. நினைவகம் கொண்டது. ஆண்ட்ராய்டு 12 இயங்குதளம் உடையது. இரண்டு சிம் கார்டு போடும் வசதி கொண்டது.
இதன் பின்புறம் 50 மெகா பிக்ஸெல் கேமராவும், முன்புறம் 8 மெகா பிக்ஸெல் கேமராவும் உள்ளது. பக்கவாட்டுப் பகுதியில் விரல் ரேகை உணர் சென்சார் உள்ளது. நீண்ட நேரம் செயல்பட வசதியாக 5 ஆயிரம் எம்.ஏ.ஹெச். திறன் கொண்ட பேட்டரி 18 வாட் சார்ஜருடன் வந்துள்ளது. நீலம், பர்ப்பிள், பச்சை, கருப்பு உள்ளிட்ட கண்கவர் வண்ணங்களில் வந்துள்ளது. இதன் விற்பனையக விலை சுமார் ரூ.8,999.