பிரமாண்ட சுரங்கம்

இங்கு தாமிரம் அதிக அளவில் கிடைக்கிறது. இதற்கு பிங்காம் கேன்யன் சுரங்கம் (Bingham Canyon Mine) என்று இன்னொரு பெயரும் உண்டு. இது இங்கிலாந்தை சேர்ந்த ரியோ டின்டோ (Rio Tinto Group) என்ற சர்வதேச நிறுவனத்திற்குச் சொந்தமானது. 

1906-ம் ஆண்டு முதல் இந்தச் சுரங்கத்தில் உற்பத்தி நடைபெற்று வருகிறது. சுமார் ஒரு கிலோ மீட்டர் ஆழத்துடனும், 4 கி.மீ. அகலத்துடனும், 1900 ஏக்கர் நிலப்பரப்பிலும் அமைந்துள்ளது. 1966-ம் ஆண்டிலிருந்து தேசிய வரலாற்றுச் சின்னமாக்கப்பட்டு, பிங்காம் கேன்யான் ஓபன் பிட் காப்பர் மைன் என்று பெயர் சூட்டப்பட்டுள்ளது. 2013 ஏப்ரலில் பெரிய அளவிலும், செப்டம்பரில் சிறிய அளவிலும் இங்கு நிலச்சரிவு ஏற்பட்டுள்ளது.

1848-ம் ஆண்டு முதன்முதலில் பிங்காம் பள்ளத்தாக்கில் தாமிரம் இருப்பது சான்போர்டு பிங்காம், தாமஸ் பிங்காம் என்ற இரு சகோதரர்களால் கண்டுபிடிக்கப்பட்டது. இந்தச் சுரங்கத்தில் 2004-ம் ஆண்டு வரை 1 கோடியே 70 லட்சம் டன் தாமிரமும், 2 கோடியே 30 லட்சம் அவுன்ஸ் தங்கமும், 19 கோடி அவுன்ஸ் வெள்ளியும், 85 கோடி பவுண்டுகள் மாலிப்டீனியமும் வெட்டி எடுக்கப்பட்டுள்ளன. விண்வெளியிலிருந்து தொலைநோக்கி ஏதுமின்றி வெறுங்கண்ணால் பார்த்தாலும் தெரியக்கூடிய பிரமாண்ட சுரங்கம் இது.