தமிழகத்தில் ஓரிரு இடங்களில் இன்று மிதமான மழைக்கு வாய்ப்பு - வானிலை ஆய்வு மையம் தகவல்

சென்னை, 

தென்மேற்கு பருவமழை கேரளாவில் கடந்த 3-ந்தேதி தொடங்கியது. தமிழகத்தின் பகுதிகளிலும் அந்த பருவமழை முன்னேறி இருக்கிறது. இதன் காரணமாகவும், வெப்பசலனம் காரணமாகவும் தமிழகத்தில் கடந்த ஒரு வாரமாக ஆங்காங்கே மழை பெய்து கொண்டு வருகிறது.

அதன் தொடர்ச்சியாக வெப்பசலனத்தால் தமிழகத்தில் கடலோர மாவட்டங்கள் மற்றும் அதனை ஒட்டியுள்ள உள் மாவட்டங்கள், கன்னியாகுமரி மற்றும் புதுச்சேரி பகுதிகளில் ஓரிரு இடங்கள் மற்றும் தமிழ்நாட்டில் ஓரிரு இடங்களில் இன்று (வியாழக்கிழமை), லேசானது முதல் மிதமான மழைக்கு வாய்ப்பு இருப்பதாக வானிலை ஆய்வு மையம் தெரிவித்து இருக்கிறது.

சென்னையை பொறுத்தவரையில், இன்று வானம் மேக மூட்டத்துடன் காணப்படும் என்றும், நகரின் சில இடங்களில் இடி மின்னலுடன் கூடிய மிதமான மழை பெய்யக்கூடும் எனவும் ஆய்வு மைய அதிகாரிகள் தெரிவித்துள்ளனர்.