சமூக வலைதளத்தில் நடிகை சனம் ஷெட்டிக்கு ஆபாச குறுந்தகவல் அனுப்பி தொல்லை ‘சைபர் கிரைம்’ போலீசார் விசாரணை

சென்னை,

சென்னை திருவான்மியூர் பகுதியை சேர்ந்தவர் சனம் ஷெட்டி. திரைப்பட நடிகையான இவர், ‘பிக்பாஸ்’ நிகழ்ச்சி மூலம் பிரபலமானார். இந்தநிலையில் இவருடைய ‘இன்ஸ்டாகிராம்’ சமூக வலைதளப் பக்கத்தில் ஒருவர் தொடர்ந்து ஆபாச குறுந்தகவல் அனுப்பி வந்துள்ளார்.

இதுகுறித்து நடிகை சனம் ஷெட்டி திருவான்மியூர் போலீஸ் நிலையத்தில், ‘தனக்கு வந்த ஆபாச குறுந்தகவல் அடங்கிய ஆதாரங்களுடன் புகார் அளித்தார். அதன்பேரில் ‘சைபர் கிரைம்’ போலீசார் வழக்குப்பதிவு செய்து, நடிகை சனம் ஷெட்டிக்கு ஆபாச குறுந்தகவல் அனுப்பி தொல்லை கொடுத்த நபர் யார்? என்பது குறித்து விசாரணை நடத்தி வருகின்றனர்.