புகழ் நடிக்கும் புதிய படம் ‛அழகர் யானை'

சென்னை,

மங்களேஸ்வரன் இயக்கத்தில் உருவாகும் படம் 'அழகர் யானை'. இந்த படத்தில் கதாநாயகனாக புகழ் நடிக்கிறார். இதில் காடுவெட்டி, விஸ்மியா, நந்தினி, ஆடுகளம் முருகதாஸ் உள்பட பலர் படத்தில் நடிக்கின்றனர். மேலும் 80 அடி உயர யானை படத்தில் முக்கிய கதாபாத்திரத்தில் நடிக்கிறது.

எஸ்.வி. புரொடக்‌ஷன் சார்பில் சிவசங்கர் தயாரிப்பில் உருவாகும் இந்த படம் பற்றி இயக்குனர் மங்களேஸ்வரன் கூறும்போது, இன்றைய சூழலில் வாழ்க்கை மீதான நம்பிக்கை பலருக்கும் குறைந்து வருகிறது. ஒருவருக்கு பணமோ மருத்துவ உதவியை கொடுத்து உதவுவதை விட அவர்களுக்கு மனரீதியாக நாம் தரும் நம்பிக்கை என்பதை மிக அவசியமாக இருக்கிறது. அப்படி ஒரு நம்பிக்கை தரும் படமாக அழகர் யானை படம் உருவாகிறது. கங்கைகொண்ட சோழபுரத்தில் 169 அடி உயரத்தில் ஒரு யானை சிலை இருக்கிறது. என்றார்.

மேலும் இப்படம் எம்.ஜி.ஆரின் நல்ல நேரம், ரஜினிகாந்தின் அன்னை ஓர் ஆலயம், கமலின் ராம் லட்சுமண் ஆகிய படங்களை போல் யானையை மையப்படுத்தி குழந்தைகள் ரசிக்கும் விதமாக இந்த படம் உருவாகிறது. அனைத்து தரப்பினரையும் கவரும் படமாக இந்த படம் அமையும். படத்தின் படப்பிடிப்பு விரைவில் தொடங்க இருக்கிறது. கிருஷ்ணகிரி மற்றும் கேரளாவில் படத்தின் படப்பிடிப்பு நடைபெற உள்ளது.