திடீரென பின்னோக்கி வந்த மினி லாரி... நூலிழையில் உயிர் தப்பிய இளம்பெண் - அதிர்ச்சி காட்சி

கோழிக்கோடு,

கேரள மாநிலம் கோழிக்கோடு அருகே மினி லாரி பின்னால் இளம்பெண் ஒருவர் பைக்கில் சென்றுகொண்டிருந்தார். அப்போது திடீரென அந்த லாரி திடீரென நின்றது. உடனடியாக பின்னால் வந்துகொண்டிருந்த இளம்பெண்ணும் ஸ்கூட்டியை நிறுத்தினார்.

ஆனால் சிறிது நேரத்தில் அந்த லாரி வேகமான பின்னோக்கி வந்தது. இதை சற்றும் எதிர்பாராத அந்த இளம்பெண், ஸ்கூட்டியை பின்னோக்கி தள்ள முற்பட்டார். ஆனால் அதற்குள் அந்த லாரி ஸ்கூட்டியை இடித்து தள்ளிவிட்டு சாலையோரம் இருந்த மரத்தில் மோதி விபத்தை ஏற்படுத்தியது.

இந்த விபத்தில் அந்த இளம்பெண், லாரியின் உள்பக்கம் சிக்காமல் பக்கவாட்டில் சரிந்து விழுந்ததால், நல்வாய்ப்பாக உயிர்தப்பினார்.உடனடியாக அந்த பெண் எழுந்து நிம்மதி பெருமூச்சு விட்டார். இந்த விபத்து குறித்து போலீசார் விசாரணை நடத்தி வருகின்றனர். முதற்கட்ட விசாரணையில், லாரி கட்டுப்பாட்டை இழந்து பின்னோக்கி வந்து விபத்துக்குள்ளானது தெரியவந்துள்ளது. தற்போது இந்த விபத்தின் சிசிடிவி காட்சிகள் வெளியாகி அதிர்ச்சியை ஏற்படுத்தியுள்ளது.