இலவச வேட்டி, சேலை திட்டத்தில் அமைச்சர் காந்தி ஊழல் செய்துள்ளதாக, பா.ஜ.க. மாநில தலைவர் அண்ணாமலை பரபரப்பு குற்றச்சாட்டு கூறியுள்ளார்.
2026-ம் ஆண்டில் தமிழகத்தில் தேசிய ஜனநாயக கூட்டணி ஆட்சி அமையும்போது காந்தி சிறை செல்வார் என்றும் அறிக்கையில் அவர் தெரிவித்து உள்ளார்.
அமெரிக்காவின் அரிசோனா மாகாணத்தில் ஸ்காட்ஸ்டேல் விமான நிலையத்தில் 2 ஜெட் விமானங்கள் மோதி விபத்தில் சிக்கியதில் ஒருவர் பலியானார். 4 பேர் காயமடைந்தனர்.
இந்த விபத்தில் காயமடைந்தவர்கள் சிகிச்சைக்காக கொண்டு செல்லப்பட்டு உள்ளனர். இதனை தொடர்ந்து, விமான நிலையம் மூடப்பட்டு உள்ளது.
மராட்டியத்தில் ஜி.பி.எஸ். எனப்படும் மர்ம நோய் பாதிப்புக்கு 7 பேர் உயிரிழந்து உள்ளனர். இதுவரை 167 பேருக்கு பாதிப்பு இருப்பது உறுதி செய்யப்பட்டு உள்ளது.
48 நோயாளிகள் ஐ.சி.யு.வில் வைக்கப்பட்டு உள்ளனர். 21 பேருக்கு உயிர் காக்கும் சிகிச்சை அளிக்கப்பட்டு வருகிறது. 91 நோயாளிகள் சிகிச்சை முடிந்து வீடு திரும்பியுள்ளனர்.
பழனி தண்டாயுதபாணி கோவிலில் இன்று தைப்பூச திருவிழா விமரிசையாக கொண்டாடப்படுகிறது. இதனை முன்னிட்டு பழனிக்கு வரும் பக்தர்களின் வசதிக்காக மதுரை - பழனி இடையே இன்றும், நாளையும் சிறப்பு ரயில் இயக்க ஏற்பாடு செய்யப்பட்டு உள்ளது.