இன்றைய முக்கிய செய்திகள் சில வரிகளில்.. 12-01-2025

சென்னை சேப்பாக்கத்தில் ஜனவரி 25-ல் நடைபெறும் இந்தியா மற்றும் இங்கிலாந்து இடையேயான டி20 போட்டிக்கு இன்று காலை 11 மணி முதல் இணையத்தில் டிக்கெட் விற்பனை தொடங்கும். இதனை தமிழ்நாடு கிரிக்கெட் சங்கம் அறிவித்து உள்ளது.

நெல்லையப்பர் கோவில் யானை உயிரிழப்பு

நெல்லையில் உடல்நலக்குறைவால் சிகிச்சை பெற்று வந்த நெல்லையப்பர் கோவில் யானை காந்திமதி (வயது 56) உயிரிழந்து உள்ளது.

1985-ம் ஆண்டு நயினார் பிள்ளை என்பவரால் கோவிலுக்கு யானை நன்கொடையாக கொடுக்கப்பட்டது. நெல்லையப்பர் கோவிலில் நடைபெறும் அனைத்து திருவிழாக்களிலும் காந்திமதி யானை முன்னே செல்ல திருவிழா விமரிசையாக நடைபெறும்.