இன்றைய முக்கிய செய்திகள்.. சில வரிகளில் 30-04-2025

சாதிவாரி கணக்கெடுப்பில் பல முக்கிய கேள்விகளுக்கு விடையில்லை. 50 சதவீதம் உச்ச வரம்பை நீக்க வேண்டும். வெளிப்படையாக கணக்கெடுப்பு நடத்தப்பட வேண்டும். சாதிவாரி கணக்கெடுப்புக்கு கால வரம்பு நிர்ணயம் செய்ய மத்திய அரசுக்கு ராகுல்காந்தி வலியுறுத்தி உள்ளார். 

சென்னை லயோலா கல்லூரியில் மறைந்த போப் பிரான்சிஸ் அவர்களின் நினைவு அஞ்சலி நிகழ்ச்சியில், அவரது உருவப்படத்துக்கு முதல்-அமைச்சர் மு.க.ஸ்டாலின் மலர்தூவி மரியாதை செலுத்தினார்.

தமிழ்நாட்டின் 7 இடங்களில் வெயில் இன்று சதம் அடித்தது. அதிகபட்சமாக வேலூரில் 104 °F வெப்பநிலை பதிவுவாகி உள்ளது. கரூர் பரமத்தியில் 104 °F. ஈரோட்டில் 103.28 °F. சேலத்தில் 102.2 °F, திருத்தணியில் 101.12 °F. தருமபுரியில் 100,76 "F, மதுரை விமான நிலையத்தில் 100.4 °F. மீனம்பாக்கம் மற்றும் திருச்சியில் 99.86 °F அளவுக்கு வெயில் பதிவாகி உள்ளது.

சாதிவாரி கணக்கெடுப்பை எப்போது நடத்துவீர்கள்? எப்போது முடிப்பீர்கள்? சாதிவாரி கணக்கெடுப்பு விவகாரத்தில் முக்கிய கேள்விகளுக்கு பதில் அளிக்கப்படவில்லை என்று முதல்-அமைச்சர் மு.க.ஸ்டாலின் கூறியுள்ளார்.

பத்ம விருதுகள் வழங்கும் நிகழ்ச்சியில் அஜித்குமாரின் மகன் ஆத்விக்-ஐ வாழ்த்திய ஜனாதிபதி திரவுபதி முர்மு புகைப்படத்தைப் பகிர்ந்து ‘நெகிழ்ச்சியன தருணம்’ என ஷாலினி அஜித்குமார் நெகிழ்ச்சிபட கூறியுள்ளார்.

நாமக்கல்: முட்டை ஒன்றின் பண்ணைக் கொள்முதல் விலை ரூ.4.50 ஆக நிர்ணயம் செய்யப்பட்டுள்ளது. இன்று ஒரே நாளில் 10 காசுகள் உயர்ந்தது. கோடை வெயில் தாக்கத்தால் உற்பத்தி குறைந்த நிலையில், கடந்த 5 நாட்களில் 45 காசுகள் உயர்ந்துள்ளது.

மகளிர் உரிமைத் தொகைக்கு ஜூன் 4ஆம் தேதி 'மக்களுடன் முதல்வர்' முகாமில் விண்ணப்பிக்கலாம் என்று அமைச்சர் கீதாஜீவன் கூறியுள்ளார்.

நடிகர் அஜித்குமாருடன் சிஎஸ்கே மேட்ச் பார்த்தது மகிழ்ச்சியான அனுபவம். நடிகர் அஜித்குமாருக்கு பத்ம பூஷண் விருது வழங்கியிருப்பது சந்தோஷம் என்று நடிகர் சிவகார்த்திகேயன் கூறியுள்ளார்.

கரும்புக்கான கொள்முதல் விலை குவிண்டாலுக்கு ரூ.355ஆக நிர்ணயிக்கப்பட்டுள்ளது என்று மத்திய மந்திரி அஸ்வினி வைஷ்ணவ் கூறியுள்ளார்.

சென்னையில் 2ம் கட்ட மெட்ரோ ரெயில் திட்டத்திற்கு மத்திய அமைச்சரவை ஒப்புதல் அளித்துள்ளது.