சினிமா செய்திகள்

‘அசுரன்’ படத்தில் புதிய தோற்றத்தில் தனுஷ் + "||" + Dhanush is in the new look in 'Ausuran' movie

‘அசுரன்’ படத்தில் புதிய தோற்றத்தில் தனுஷ்

‘அசுரன்’ படத்தில் புதிய தோற்றத்தில் தனுஷ்
தனுஷ் நடிப்பில் வட சென்னை, மாரி-2 ஆகிய படங்கள் கடந்த வருடம் திரைக்கு வந்தன. கவுதம் மேனன் இயக்கத்தில் நடிக்கும் எனை நோக்கி பாயும் தோட்டா தாமதமாகிறது.
வெற்றிமாறன் இயக்கும் ‘அசுரன்’ படத்தில் நடித்து வருகிறார். இதன் படப்பிடிப்பு கடந்த ஜனவரியில் தொடங்கி விறுவிறுப்பாக நடந்தது.

இந்த நிலையில் திடீரென்று துரை செந்தில்குமார் இயக்கும் புதிய படத்தின் படப்பிடிப்பில் கலந்துகொண்டார். இதில் சினேகாவும் முக்கிய கதாபாத்திரத்தில் வருகிறார். இதனால் அசுரன் படப்பிடிப்பு மீண்டும் எப்போது தொடங்கும் என்று ரசிகர்கள் மத்தியில் எதிர்பார்ப்பு நிலவியது.

இந்த நிலையில் தற்போது மீண்டும் ‘அசுரன்’ படப்பிடிப்பில் தனுஷ் இணைந்துள்ளார். தனது அசுரன் பட தோற்றத்தை சமூக வலைத்தளத்தில் வெளியிட்டு இது இறுதிகட்ட படப்பிடிப்பு என்றும் தெரிவித்து உள்ளார். அவரது தோற்றம் சமூக வலைத்தளத்தில் வைரலாகி உள்ளது.

தனுஷ் வெளியிட்டுள்ள போஸ்டரில் அசுர வேட்டை விரைவில் என்று அறிவித்து உள்ளதால் படப்பிடிப்பு சில வாரங்களில் முடிந்து படம் திரைக்கு வந்துவிடும் என்று எதிர்பார்க்கப்படுகிறது. இந்த படத்தில் தனுசுடன் மஞ்சு வாரியர், பாலாஜி சக்திவேல், பசுபதி, ஆடுகளம் நரேன், யோகிபாபு, குருசோமசுந்தரம் உள்பட பலர் நடிக்கின்றனர். விஜய்சேதுபதி சிறப்பு தோற்றத்தில் வருகிறார். எஸ்.தாணு தயாரிக்கிறார்.


தொடர்புடைய செய்திகள்

1. ‘நெற்றிக்கண்-2’ படத்தில், தனுஷ்!
‘அசுரன்’ படத்தின் வெற்றி, நடிகர் தனுசுக்கு ஏராளமான வாழ்த்துக்களையும், பாராட்டுகளையும் சம்பாதித்து கொடுத்து இருக்கிறது. அடுத்ததாக அவருடைய மாமனார் ரஜினிகாந்த் நடித்த ‘நெற்றிக்கண்’ படத்தின் இரண்டாம் பாகத்தில் நடிக்க தனுஷ் ஆர்வமாக இருக்கிறார்.
2. தனுஷ் நடித்த படம்: 1,500 தியேட்டர்களில், ‘பட்டாஸ்’ - பட அதிபர் டி.ஜி.தியாகராஜன் பேட்டி
தனுஷ் நடித்துள்ள படமான ‘பட்டாஸ்’ 1,500 தியேட்டர்களில் திரையிடப்பட உள்ளதாக பட அதிபர் டி.ஜி.தியாகராஜன் தெரிவித்துள்ளார்.
3. மாஞ்சோலை தோட்ட தொழிலாளர்கள் கதை; தனுசின் புதிய படம் ‘கர்ணன்’
தனுஷ் நடித்து கடந்த வருடம் அசுரன், எனை நோக்கி பாயும் தோட்டா ஆகிய படங்கள் வந்தன. இதில் அசுரன் படம் வசூல் சாதனை நிகழ்த்தியது. தனுஷ் நடிப்புக்கு பாராட்டுகளும் கிடைத்தன.
4. தனுஷ்-அஜித் குறித்து விஜய் பட இயக்குனர் அட்லி பேட்டி
தனுஷ்-அஜித் குறித்து விஜய் பட இயக்குனர் அட்லி கூறி உள்ளார்.
5. ‘வட சென்னை’ ஏற்படுத்திய ஏமாற்றம்!
சமீபகால டைரக்டர்களில் ரசிகர்களை அதிகம் கவர்ந்தவர், வெற்றிமாறன். இவருக்கென்று தனி ரசிகர்கள் இருக்கிறார்கள். அவர் பல வெற்றி படங்கள் கொடுத்திருந்தாலும், தனுசை வைத்து இயக்கிய ‘வட சென்னை’ படம் நிறைய பாராட்டுகளை வாங்கி குவித்தது. வசூல் ரீதியாகவும் வெற்றி பெற்றது.