சினிமா செய்திகள்

வெப் தொடர்களில் தமன்னா, சமந்தா + "||" + In web series Tamanna, Samantha

வெப் தொடர்களில் தமன்னா, சமந்தா

வெப் தொடர்களில் தமன்னா, சமந்தா
அனைத்து இந்திய மொழி திரைப்படங்களில் நடிக்கும் முன்னணி நடிகர், நடிகைகள் பலர் வெப் தொடர்களுக்கு மாறி வருகிறார்கள்.
மார்க்கெட் இழந்தவர்களும் வெப் தொடர்களுக்கு வருகிறார்கள். முன்னணி கதாநாயகிகளாக வலம் வரும் தமன்னா, சமந்தா ஆகியோரும் வெப் தொடர்களில் நடிக்க இருப்பதாக வெளியான தகவல் தற்போது உறுதிப்படுத்தப்பட்டு உள்ளது.

‘தி நவம்பர் ஸ்டோரி’ என்ற பெயரில் தயாராகும் தமிழ் இணைய தொடரில் தமன்னா நடிக்கிறார். ராம் சுப்ரமணியம் இயக்குகிறார். தந்தை மகள் உறவை சித்தரிக்கும் கதையம்சத்தில் தயாராகிறது. இதில் தமன்னாவின் தந்தையாக ஜி.எம்.குமார் நடிக்கிறார்.


சமந்தா திருமணத்துக்கு பிறகு தொடர்ந்து படங்களில் நடித்து வருகிறார். இந்த ஆண்டில் அவரது நடிப்பில் வெளியான சூப்பர் டீலக்ஸ், ஓபேபி ஆகிய 2 படங்களும் வெற்றி பெற்றன. தற்போது தமிழில் வசூல் குவித்த ‘96’ படத்தின் தெலுங்கு ரீமேக்கில் நடித்து வருகிறார்.

இந்த நிலையில் ‘தி பேமிலி மேன்’ என்ற வெப் தொடரில் சமந்தா நடிப்பதை அதிகாரப்பூர்வமாக அறிவித்து உள்ளனர். சமந்தாவும் சமூக வலைத்தளத்தில் வெப் தொடரில் நடிப்பது மகிழ்ச்சியாக உள்ளது என்று பதிவிட்டுள்ளார்.

இதில் பிரியாமணி, மனோஜ் பாஜ்பாய் ஆகியோரும் நடிக்கின்றனர். சமந்தா வில்லி கதாபாத்திரத்தில் நடிப்பதாக கூறப்படுகிறது.

தொடர்புடைய செய்திகள்

1. வில்லிகளாக மாறிய சாய்பல்லவி, சமந்தா
காதல், டூயட் காட்சிகளில் நடிப்பதை தவிர்த்து தங்களுக்கு முக்கியத்துவம் அளிக்கும் கதைகளை நடிகைகள் தேட ஆரம்பித்துள்ளனர்.
2. கவர்ச்சி புகைப்படங்களை வெளியிட்ட சமந்தாவை விமர்சித்த ரசிகர்கள்
கவர்ச்சி புகைப்படங்களை வெளியிட்டதால், நடிகை சமந்தாவை ரசிகர்கள் விமர்சித்து வருகிறார்கள்.
3. நடிகர்களுக்கு இணையாக கதாநாயகிகளுக்கு திரளும் ரசிகர்கள் படை
கதாநாயகர்களுக்கு மட்டுமே ரசிகர் பட்டாளமும், ரசிகர் மன்றங்களும் இருக்கும் என்ற நிலை மாறி சமீப காலமாக கதாநாயகிகளுக்கும் ரசிகர்கள் படை திரள்கிறது. அவர்கள் நடிக்கும் படங்கள் திரையரங்குகளில் அமோகமாக ஓடுகின்றன.
4. தயாரிப்பாளராகும் சமந்தா
நடிகை சமந்தா விரைவில் தயாரிப்பாளராக உள்ளார்.