சினிமா செய்திகள்

நலிந்த இசைகலைஞர்களுக்கு இளையராஜா, ஏ.ஆர்.ரகுமான் ரூ.20 லட்சம் உதவி + "||" + 20 Lakhs Assistance to poor musicians Ilyaraja and AR Rahman

நலிந்த இசைகலைஞர்களுக்கு இளையராஜா, ஏ.ஆர்.ரகுமான் ரூ.20 லட்சம் உதவி

நலிந்த இசைகலைஞர்களுக்கு இளையராஜா, ஏ.ஆர்.ரகுமான் ரூ.20 லட்சம் உதவி
நலிந்த இசைகலைஞர்களுக்குஇளையராஜா, ஏ.ஆர்.ரகுமான் ஆகியோர் தலா ரூ.10 லட்சம் வழங்கி உள்ளனர்.
கொரோனா ஊரடங்கினால் திரையுலகம் முடங்கி உள்ளது. இதனால் திரைப்பட தொழிலாளர்கள் கஷ்டப்படுகின்றனர். அவர்களுக்கு பெப்சி சார்பில் நிதி திரட்டி உதவிகள் வழங்கப்பட்டன. இந்த நிலையில் கொரோனா ஊரடங்கினால் வருமானம் இன்றி தவிக்கும் இசை கலைஞர்களுக்கு உதவ இசையமைப்பாளர்கள் இளையராஜா, ஏ.ஆர்.ரகுமான் ஆகியோர் தலா ரூ.10 லட்சம் வழங்கி உள்ளனர்.

இதுபோல் இசையமைப்பாளர்கள் இமான், அனிருத் ஆகியோர் தலா ரூ.3 லட்சமும் தமன் ரூ.1.50 லட்சமும் விஜய் ஆண்டனி, ஜிப்ரான் ஆகியோர் தலா ரூ.50 ஆயிரமும் வழங்கி உள்ளனர். மொத்தம் ரூ.28 லட்சத்து 50 ஆயிரம் வசூலாகி இருப்பதாக இசையமைப்பாளர்கள் சங்க தலைவரும் பெப்சி துணைத் தலைவருமான தினா தெரிவித்தார். மேலும் அவர் கூறும்போது, “இசையமைப்பாளர்கள் சங்கத்தில் 1248 உறுப்பினர்கள் உள்ளனர். அவர்களுக்கு ஏற்கனவே தலா 25 கிலோ அரிசியும் ரூ.500 உதவி தொகையும் வழங்கப்பட்டது. ரூ.1500 மதிப்புள்ள கூப்பனும் வினியோகிக்கப்பட்டது.

மேலும் இளையராஜா, ஏ.ஆர்.ரகுமான் உள்ளிட்ட இசையமைப்பாளர்கள் வழங்கிய உதவித் தொகையை சங்கத்தின் உறுப்பினர்களுக்கு தலா ரூ.2 ஆயிரம் வீதம் பிரித்து கொடுத்துள்ளோம். கொரோனா பாதிப்பினால் இந்த வருடம் உறுப்பினர்கள் சந்தா தொகை செலுத்த வேண்டாம் என்று முடிவு எடுக்கப்பட்டு உள்ளது. சங்கமே சந்தா தொகையை செலுத்தும். இசை கலைஞர்களுக்கு நிதி வழங்கிய இளையராஜா,ஏ.ஆர்.ரகுமான் ஆகியோருக்கு வாழ்க்கை முழுவதும் நன்றி கடன்பட்டுள்ளேன்“ என்றார்.

தொடர்புடைய செய்திகள்

1. பிரசாத் ஸ்டூடியோவில் இருந்து 160 பெட்டிகளில் பொருட்கள் இளையராஜாவிடம் ஒப்படைப்பு
சென்னை சாலிகிராமத்தில் உள்ள பிரசாத் ஸ்டூடியோவில் இளையராஜா 35 ஆண்டுகளாக ரிக்கார்டிங் தியேட்டர் வைத்து இசையமைத்து வந்தார். அவருக்கு அங்கு 5 அறைகள் இருந்தன.
2. தியானம் செய்துவிட்டு இசைக்கருவிகளை எடுக்க, பிரசாத் ஸ்டூடியோவுக்கு இளையராஜா இன்று செல்கிறார்
சென்னை ஐகோர்ட்டு தீர்ப்பின் அடிப்படையில், பிரசாத் ஸ்டூடியோவுக்கு இளையராஜா இன்று செல்கிறார். அங்கு தியானம் செய்துவிட்டு, தனது இசைக்கருவிகளை எடுத்துச் செல்கிறார்.
3. இளையராஜாவை நிபந்தனைகளுடன் பிரசாத் ஸ்டூடியோவுக்குள் அனுமதிக்க தயார் - ஸ்டூடியோ தரப்பு சென்னை உயர்நீதிமன்றத்தில் தகவல்
இசையமைப்பாளர் இளையராஜாவை நிபந்தனைகளுடன் பிரசாத் ஸ்டூடியோவுக்குள் அனுமதிக்க தயார் என அந்த ஸ்டூடியோ தரப்பில் சென்னை உயர்நீதிமன்றத்தில் தெரிவிக்கப்பட்டுள்ளது.
4. பிரசாத் ஸ்டூடியோவுக்குள் இசையமைப்பாளர் இளையராஜாவை அனுமதிக்க முடியாது -பிரசாத் ஸ்டூடியோ திட்டவட்டம்
பிரசாத் ஸ்டூடியோவுக்குள் இசையமைப்பாளர் இளையராஜாவை அனுமதிக்க முடியாது என பிரசாத் ஸ்டூடியோ தரப்பில் திட்டவட்டமாக கூறப்பட்டு உள்ளது.