<
பிரபல பாடகி வாழ்க்கை கதை படத்தில் அனுஷ்கா
பிரபல கர்நாடக இசைப்பாடகி பெங்களூரு நாகரத்தினம்மாளின் வாழ்க்கை கதை படத்தில் அனுஷ்கா அவரின் வேடத்தில் நடிக்கிறார்.
வாழ்க்கை வரலாறு படங்கள் அதிகம் வெளியாகி ரசிகர்கள் மத்தியில் வரவேற்பை பெற்றுள்ளன. இந்த வரிசையில் பிரபல கர்நாடக இசைப்பாடகி பெங்களூரு நாகரத்தினம்மாளின் வாழ்க்கை சினிமா படமாகிறது.
இவர் திருவையாறு ஆராதனை விழாவில் பெண் இசை கலைஞர்களும் பங்கேற்க வழி செய்தவர் என்பது குறிப்பிடத்தக்கது. நாகரத்தினம்மாளின் மூதாதையர்கள் மைசூரு அரசவையில் பாடகர்களாக இருந்தவர்கள். இவரது வாழ்க்கை கதை தமிழ், தெலுங்கு, கன்னடம் ஆகிய 3 மொழிகளில் சினிமா படமாக தயாராகிறது.
இந்த படத்தை 90 வயது நிரம்பிய சிங்கிதம் சீனிவாசராவ் இயக்குகிறார். இவர் கமல்ஹாசன் நடித்த அபூர்வ சகோதரர்கள், மைக்கேல் மதன காமராஜன் ஆகிய படங்களை இயக்கியவர். நாகரத்தினம்மாள் வாழ்க்கை கதை படத்தில் அவரது வேடத்தில் நடிக்க முதலில் சமந்தாவை சிங்கிதம் சீனிவாச ராவ் அணுகினார். ஆனால் அவர் ஆர்வம் காட்டவில்லை.
தற்போது அனுஷ்காவை சந்தித்து கதையை சொன்னதாகவும், அவருக்கு மிகவும் பிடித்துப்போய் நாகரத்தினம்மாள் வேடத்தில் நடிக்க சம்மதித்து இருப்பதாகவும் தகவல் வெளியாகி உள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
