கடும் விமர்சனம் : பேஸ்புக்கில் படத்தை மாற்றி ரசிகர்களுக்கு எதிர்ப்பு தெரிவித்த பிரபல டைரக்டர்

சென்னை

அல்போன்ஸ் இயக்கத்தில் கடைசியாக பிருத்விராஜ் நடிப்பில் வெளியான படம் கோல்டு. நீண்ட இடைவெளிக்குப் படம் வெளியான பிறகு, இயக்குனர் டிரோல்களையும் விமர்சனங்களையும் சந்திக்க வேண்டியிருந்தது. இதற்கு எதிர்ப்பு தெரிவிக்கும் வகையில் தற்போது அல்போன்ஸ் தனது படத்தை பேஸ்புக் சமூக வலைதளங்களில் இருந்து நீக்கியுள்ளார்.

அல்போன்ஸ் புத்ரன் தனது பேஸ்புக்கில் சுயவிவரப் படத்தை மாற்றி எதிர்ப்பு தெரிவித்தார். மேலும் ஒரு குறிப்பையும் பகிர்ந்துள்ளார். தான் யாருக்கும் அடிமை இல்லை என்றும், தன்னை கேலி செய்யவோ, பகிரங்கமாக அவமானப்படுத்தவோ யாருக்கும் உரிமை கொடுக்கவில்லை என்றும் அல்போன்ஸ் கூறியுள்ளார்.

மேலும் நீங்கள் என்னை டிரோல் செய்கிறீர்கள், உங்கள் திருப்திக்காக என்னைப் பற்றியும் எனது கோல்டு படத்தைப் பற்றியும் கெட்ட வார்த்தைகளால் பேசுகிறீர்கள்.அதனால் இணையத்தில் முகம் காட்டாமல் எதிர்ப்பு தெரிவிக்கிறேன்.

நான் உங்கள் அடிமையும் இல்லை, என்னைப் பகிரங்கமாக கேலி செய்யவோ அல்லது அவமதிக்கவோ நான் உங்களுக்கு உரிமை கொடுக்கவில்லை. எனவே நீங்கள் விரும்பினால் எனது படைப்புகளைப் பார்க்கலாம். மேலும் என் மீது கோபப்பட வேண்டாம். நீங்கள் அவ்வாறு செய்தால், நான் இணையத்தில் கண்ணுக்கு தெரியாதவனாக இருப்பேன். நான் முன்பு போல் இல்லை. நான் முதலில் எனக்கு நேர்மையாக இருப்பேன், பின்னர் என் மனைவிக்கு, என் குழந்தைகளுக்கு என்னை உண்மையாக நேசிப்பவர்களுக்கு நேர்மையாக இருப்பேன்.நான் விழும்போது என்னுடன் நிற்பவர்களுடன் நேர்மையாக இருப்பேன்.

நான் விழுந்தபோது உன் முகத்தில் இருந்த புன்னகையை என்னால் மறக்கவே முடியாது. யாரும் வேண்டுமென்றே விழுவதில்லை. இது இயற்கையாக நடக்கும். என்னை வீழ்த்திய அதே இயற்கை என்னை ஆதரவுடன் பாதுகாக்கும். இந்த நாள் இனிதாகட்டும்". என கூறி உள்ளார்.