எஸ்.ஜே.சூர்யா நடித்துள்ள 'கடமையை செய்' படத்தின் ரிலீஸ் தேதி அறிவிப்பு

சென்னை,

இயக்குனரும் நடிகருமான எஸ்.ஜே.சூர்யா , இயக்குனர் வெங்கட் பிரபு இயக்கத்தில் சிம்பு நடித்திருந்த 'மாநாடு' திரைப்படத்தில் வில்லன் கதாபாத்திரத்தில் நடித்திருந்தார். இந்த திரைப்படம் வெற்றிப் படமாக அமைந்தது.

அடுத்ததாக எஸ்.ஜே.சூர்யா, இயக்குனர் வெங்கட் ராகவன் இயக்கத்தில் நாயகனாக நடித்துள்ள திரைப்படம் 'கடமையை செய்'. இந்த படத்தில் கதாநாயகியாக நடிகை யாஷிகா ஆனந்த் நடித்துள்ளார். இந்த திரைப்படத்தை டி.ஆர் ரமேஷ், ஷாகீர் உசேன் இணைந்து தயாரித்துள்ளனர்.

இப்படம் ஜூன் 24-ஆம் தேதி திரையரங்குகளில் வெளியாகும் என அறிவிக்கப்பட்டிருந்ததை அடுத்து சில காரணங்களால் வெளியாகவில்லை. இந்நிலையில், இப்படத்தின் புதிய ரிலீஸ் தேதியை படக்குழு வெளியிட்டுள்ளது.

அதன்படி, 'கடமையை செய்' திரைப்படம் ஆகஸ்ட் 12-ஆம் தேதி திரையரங்குகளில் வெளியாகவுள்ளது. இதனை படக்குழு போஸ்டர் ஒன்றை வெளியிட்டு அறிவித்துள்ளது. இந்த போஸ்டர் சமூக வலைதளத்தில் வைரலாகி வருகிறது.

Gd news The most awaited @iam_SJSuryah 's #KadamaiyaiSei releasing worldwide on August 12th ..Get ready fr a grt entertainment

@iamyashikaanand@arunrajmusic @srikanth_nb @vinothrsamy @Arunbharathioff @iamSandy_Off @vasymusicoffl@ProBhuvan @CtcMediaboy pic.twitter.com/C4JxZ2h3oV

— Venkatt Ragavan (@Venkatt_Ragavan) July 22, 2022